සීතල දිය පිරි සුනිල විලයි.
ඒ විල මැද ඔබ සුවඳ මලයි .
ගිමන් නිවාලන සුළං රැලක් වී
ඔබේ සිනා මට පවන් සලයි.
සීතල දිය පිරි සුනිල විලයි.
ඒ විල මැද ඔබ සුවඳ මලයි .
අසරණ වී මා ජීවිත කතරේ
අන්ධකාරයේ සැරිසැරුවා
ඔබේ නිහඬ නෙත ඈත සිතිජයෙන්
උදාවෙලා මට අත වැනුවා
සීතල දිය පිරි සුනිල විලයි.
ඒ විල මැද ඔබ සුවඳ මලයි .
දෑසට නොපෙනෙන ඝන නිල් අඳුරේ
ඔබේ හදින් මා දෙස බැලුවා
දෑසට නොපෙනෙන මා හද පතුලේ
සුන්දරතාවය ඔබ දුටුවා
සීතල දිය පිරි සුනිල විලයි.
ඒ විල මැද ඔබ සුවඳ මලයි .
ඔබේ කුසුම ඔබ දෝතින් අරගෙන
ආදරයෙන් මා වෙත පිදුවා
ඒ මොහොතෙම තව සිය දහසක් මල්
මා වට කර හැමතැන පිපුණා
සීතල දිය පිරි සුනිල විලයි.
ඒ විල මැද ඔබ සුවඳ මලයි .
ගිමන් නිවාලන සුළං රැලක් වී
ඔබේ සිනා මට පවන් සලයි.
සීතල දිය පිරි සුනිල විලයි.
ඒ විල මැද ඔබ සුවඳ මලයි .
සිංදුව මෙතනින් බාගත කරගන්න | Download the Audio from here
Leave a Reply