සරුංගලේ උඩ අහසේ පාවී යනවා
ඉද්ද ගහේ මල් පිපිලා සුළගේ වැනෙනවා
මාත් එක්ක පොඩි නංගි බලා ඉන්නවා
මේ වාගේ අපට නැහැනෙ
කියල හිතෙනවා
දෙවැට දිගේ පොඩි හඳයා පැන පැන යනවා
පුංචි මාළු වරල් සලා පීනා යනවා
මාත් එක්ක පොඩි නංගි බලා ඉන්නවා
මේ වාගේ අපට නැහැනෙ
කියල හිතෙනවා
සෙල්ලම් බත් උයන්න මට එපා කියනවා
ගං දෑලේ දුව පනින්න එපා කියනවා
වෙල් එළියේ දඟ කරන්න එපා කියනවා
එපා එපා කියන කියුම් නිතර ඇහෙනවා
මට ආසයි මලක් වෙලා සුවඳ ගෙනෙන්න
වලාකුළක් වගේ අහසෙ පාවී යන්න
ගහට වැලට කුරුල්ලන්ට කතා කරන්න
අපිට අපේ පුංචි ලෝකේ ඉන්නට දෙන්න
සරුංගලේ උඩ අහසේ පාවී යනවා
ඉද්ද ගහේ මල් පිපිලා සුළගේ වැනෙනවා
මාත් එක්ක පොඩි නංගි බලා ඉන්නවා
මේ වාගේ අපට නැහැනෙ
කියල හිතෙනවා
සිංදුව මෙතනින් බාගත කරගන්න | Download the Audio from here
Leave a Reply