පණ තියෙන තුරා කීවත්
නෑ ඉවර වෙන්නේ කවදත්
මගේ හිතේ නුඹ කෙරේ ඇති
ප්‍රේමණීය හැඟුමන්

පණ තියෙන තුරා කීවත්
නෑ ඉවර වෙන්නේ කවදත්
මගේ හිතේ නුඹ කෙරේ ඇති
ප්‍රේමණීය හැඟුමන්

දිය කඳුරු පවා – වැසි නැති දා ගොළු වී යාවී
දිය කඳුරු පවා – වැසි නැති දා ගොළු වී යාවී
වන නිල්ල පවා – සැඩ නිය‍ඟේ සැඟවී යාවී

පණ තියෙන තුරා කීවත්
නෑ ඉවර වෙන්නේ කවදත්
මගේ හිතේ නුඹ කෙරේ ඇති
ප්‍රේමණීය හැඟුමන්

පුර හඳට වඩා – සිහිල දෙයක් ඇත්නම් ලෝකේ
පුර හඳට වඩා – සිහිල දෙයක් ඇත්නම් ලෝකේ
ඒ උඹේ හිතමයි – ඇදහූවද කවුරුන් කෙලෙසේ

පණ තියෙන තුරා කීවත්
නෑ ඉවර වෙන්නේ කවදත්
මගේ හිතේ නුඹ කෙරේ ඇති
ප්‍රේමණීය හැඟුමන්

ඔබෙන් පමණි මා දුටුවේ මිහිර උතුරනා සිනා
නැවුම් ගීතයන් ලියන්නේ ඔබේ ආදරේ දිනා

ඔබෙන් පමණි මා දුටුවේ මිහිර උතුරනා සිනා
නැවුම් ගීතයන් ලියන්නේ ඔබේ ආදරේ දිනා

කලක් මා නෙතින් බැලූ ඒ ඔබේ කල්පනා එදා
දුකින් මිලින වී තැවෙන්නේ සිතින් තනිවෙලා මෙමා
ඉතින් නම් කතා එවන් වූ සවන් දෙනු එපා

ඔබෙන් පමණි මා දුටුවේ මිහිර උතුරනා සිනා
නැවුම් ගීතයන් ලියන්නේ ඔබේ ආදරේ දිනා

සවන් රැළි වෙලා පාවී සවන් සනසලා ගියා
නුවන් මා නිවූ දයාවී පැතුම් පුරවලා ගියා
ළඳේ මේ ලොවේ තවත් නෑ කෙනෙක් වන් ඔයා

ඔබෙන් පමණි මා දුටුවේ මිහිර උතුරනා සිනා
නැවුම් ගීතයන් ලියන්නේ ඔබේ ආදරේ දිනා

ඔබෙන් පමණි මා දුටුවේ මිහිර උතුරනා සිනා
නැවුම් ගීතයන් ලියන්නේ ඔබේ ආදරේ දිනා

ඔබ කවුද කව්රුන්ද
පිණි බිඳක් මඳ නළක්
ප්‍රිය විලක් පිණි බිඳක්
ඔබ කව්ද කව්රුන්ද

කොඳ මලක් බිඟු නදක්
රොන් පොදක්
ඔබ කවුද කව්රුන්ද

තරු රැයක් වන පෙතක්
ගිනි සිලක් තරු රැයක්
ඔබ කවුදකව්රුන්ද

නුඹ ඇවිත් යන්න
පාළුවට ගිය හිත පුරා
හුරු පුරුදු සුවදින්
මගේ වන්නට නොහැකිනම්
ආයෙත් නුඹ ඇවිත් යන්න

නුඹ ඇවිත් යන්න
පාළුවට ගිය හිත පුරා
හුරු පුරුදු සුවදින්
මගේ වන්නට නොහැකිනම්
ආයෙත් නුඹ ඇවිත් යන්න

එකෝමත් එක දුරාතීතෙක
එකම එක දවසක් හමුවුනා
නුඹ කියා නොකියා තියා ගිය
හතවතේ එක පැතුමක්

සොයා වෙහෙසුන මගේ නෙතු අග
තබා කදුළු අහුරක්
ලංවුනා මල තලා නොතලා
නෙලා ගන්නට පින් පිරූ බඹරෙක්

මගේ වන්නට නොහැකිනම්
ආයෙත් නුඹ ඇවිත් යන්න
නුඹ ඇවිත් යන්න
මගේ වන්නට නොහැකිනම්
ආයෙත් නුඹ ඇවිත් යන්න

නැලවෙන සුළගක් සන්සුන් සිතකට
හිරිහැරයක් වෙයි නම්
තරුමල් දෝතක් ලගින් තියා ඔබෙ
මම හිමිහිට යන්නම්
සද මල් සිපගෙන එන මද සුළගට
මමත් ආදරෙයි නම්
ලස්සන ඇස් දෙක දිහා බලාගෙන
සිතිවිලි නලවන්නම්

රෝස දෙතොල්පෙති සිනා සලනවා
මල් සුවදකට දැනෙයි
පෙම්බර මිහිර දිදී
හාදු අරන් මග බලා ඉන්නවා
එ ්මල් සුවද දිදී
මගෙ මල් කුමරියනේ

සමාවෙන් ඔය හිත රිදුනාම්
නොඉදුල් පෙම සිහිවී
චුට්ටක් පමා වැඩියි
දයාවන්ත රන්වන් සමනලායේ
කළුදුල් පෙම සදකි
සදවත මම සිඹිමි

නැලවෙන සුළගක් සන්සුන් සිතකට
හිරිහැරයක් වෙයි නම්
තරුමල් දෝතක් ලගින් තියා ඔබෙ
මම හිමිහිට යන්නම්
සද මල් සිපගෙන එන මද සුළගට
මමත් ආදරෙයි නම්
ලස්සන ඇස් දෙක දිහා බලාගෙන
සිතිවිලි නලවන්නම්

මුතුලතා සිනහා පොකුරු පා
මුතු මැණිකේ බලනු එපා
නෙත පැටලී සිත මා අසරණ වෙලා

මම ලදේ කෙලෙසද කියන්නේ
ආල හැගුම් මුව ගොළුවී
හිත පැටලී අද මා අසරණ වෙලා

ගෙලේ තොරොම්බොල් මාලේ පලදා
ඉහේ තැඹිලි තෙල් ගාලා පීරා
පාලොස්වක පෝදා හද ගමට වඩින ලීලෙන්
දෙවැටේ නුඹ එන්නා

මුතුලතා සිනහා පොකුරු පා
මුතු මැණිකේ බලනු එපා
නෙත පැටලී සිත මා අසරණ වෙලා

තුන්තිස් පැය රෑ නිදිනම් නැතුවා
ඉලන්දාරි මං රහසේ හැඩුවා
මුතු බිදු මුතු මැණිකේ නුඹ කරකාරෙට ගන්ටා
පූරුවෙ පිං නැතුවා

මුතුලතා සිනහා පොකුරු පා
මුතු මැණිකේ බලනු එපා
නෙත පැටලී සිත මා අසරණ වෙලා

මල් හසරැල් පීදී දුක් කදුළැල් සේදී
සොඳුරු වසන්තේ සිරි නරඹන්නට එනවාද
මිතුදම් යළි හාවී මල් දම් ලියලාවී
සිහින දනව්වේ සිරි නරඹන්නට එනවාද
සරදම් සිත් රිදවනවා
කළකම් නම් ඵල දෙනවා
මෙල්ල කරන් සිත නිල්ල නෙළන්නට එනවාද

පායන පුන් සඳ සේ සිත් පීදෙයි සොඳසේ
සීනු සිනා හඩ සවනපිනා යන්නේ
ජිවිතයේ දුක් ගින්දර පාවී යාවී
ආදරයේ නාමෙන් රත් පියුම් පිපේවී
රැඟුම් ගැයුම් මැද නැවුම් හැඟුම් විකසිත වේවී

මල් හසරැල් පීදී දුක් කදුළැල් සේදී
සොඳුරු වසන්තේ සිරි නරඹන්නට එනවාද
මිතුදම් යළි හාවී මල් දම් ලියලාවී
සිහින දනව්වේ සිරි නරඹන්නට එනවාද
සරදම් සිත් රිදවනවා
කළකම් නම් ඵල දෙනවා
මෙල්ල කරන් සිත නිල්ල නෙළන්නට එනවාද

නිම්හිම් නැති සසරේ කෙම් බිම් මැදිව මෙසේ
ආදර ලෝකෙට පාර කියා දෙන්නේ
නිම්හිම් නැති සසරේ කෙම් බිම් මතුවන සේ
ආදර ලෝකෙට පාර නියාදෙන්නේ
ජිවිතයේ දුක් ගින්දර පාවී යාවී
ආදරයේ නාමෙන් රත් පියුම් පිපේවී
රැඟුම් ගැයුම් මැද නැවුම් හැඟුම් විකසිත වේවී