තුන් සිත දැහැන් ගත වෙනා – සිතුවිලි සසල කරවනා
පදවැල් අතර ගැයෙන – ස්වරයේ සප්ත වර්ණ
සිත ළඟ ගයනවද ඔයා
තුන් පැය අතර නිම වෙනා – මතකය අතර රැඳවෙනා
සිනමා පටයෙ රැඳෙන – සුන්දර සිහින රැඟුම
සිත ළඟ රඟනවද ඔයා

නෙතඟට කඳුළ ගෙන දෙනා – නරඹන සිත ද හඬවනා
දුක්බර ප්‍රේම රැඟුම – සුන්දර පියවි ලොවක
රඟන්න කියන්නට එපා
තනිකම සිතට කැඳවනා – තනිවම සිතින් වැළපෙනා
දුක්බර විරහ ගැයුම – සුන්දර පියවි ලොවක
ගයන්න කියන්නට එපා

පෙම්බර වදන් වැල් විනා – දුක්බර දෙබස් නම් එපා
සිනමා ලොවක මිසක – දිවියක සැබෑ ලොවක
දුක්බර චරිතයක් එපා
සුන්දර අදහසක් තියා – දුක්බර පද වැලක් ලියා
සත්සර අතර මිසක – සුන්දර සැබෑ ලොවක
දුක්බර ගැයුම නම් එපා