වැස්ස | Wassa by Lanka Dilrukshi ft. Tharindu Damsara [2019]

වැස්ස ඔබ කැමති දවසක වහින්න
මට හුරුයි දැන් මේ ඉඩෝරය
වැස්ස ඔබ ඉන්න තැනකම හිඳින්න
මට දුරයි දැන් ඒ වසන්තය

ටික දිනක් ළං නොවී හිඳ
මගේ තුරුලේ වෙළුනම
පෙර නොවිඳි සුවඳක්
ඔබ ළඟ හැමුවා
ඒ සැණින් මතුව ආ
හැඟුම් වරුසාවට
වරුවක්ම පෙම්වත්ව
තෙමී උන්නා
දරාගන්න බැරි නිමේෂෙක
මුසපත්ව තැන්පත් විල්දිය
දෙගොඩ තලාවිත් ගැලුවා

ඔබ දෙසින් හමාඑන
සිහිල් සුළඟේ පවා මට
හුරුපුරුදු උණුහුමක්
දැනෙමින් තිබුණා
විඳගන්නටවත් නොදී එය
මගෙන් මිදුණාම
යුගයක්ම හෙම්බත්ව
දැවී උන්නා
අදහාගන්න බැරි තරමටම
යකඩත් ගිනිගත් හිතක
තෙතමනයත් මැකුණා

සිංදුව මෙතනින් බාගත කරගන්න | Download the Audio from here

ලිහිණියෝ | Lihiniyo by Lanka Dilrukshi ft. Tharindu Damsara [2018]

දෑල දෙනයන හොවා
පෙම් කල තවත්
අයෙකුන් වී නම්
ඒ නුඹේ මවුන්
නොතෙවනි උනෙම්
ගිනිලන විට රිදුම්
දරාගන්නට
පනවාගතිමි මං
ප්‍රේම සීමා මායිම්…

විරාජිතවු ඔටුනු
නුඹේ හිස මත තිවුනු
මට වඩා දකින්නට ඇති
ලෝකයක් මියුරු
හිනා කෙලි කවට කම්
නෝක්කාඩු ඇරයුම්
ලැබූ ගැහැනියක් වෙමි මම
නුඹේ නමට උමතු

සයුරු රළ හඹා ගෙන යන
විටදි පෙම්බස් දොඩපු
ලිහිණියෝ ඉන්න ඇති ළඟ
ඕනි පදමට තුරුණු
හැමදේම දරාගෙන
හැර නොයා නිසල වූ
හුදී ගැහැනියක් වෙමි මම
නුඹේ හදට උමතු

සිංදුව මෙතනින් බාගත කරගන්න | Download the Audio from here