මා බිසෝ | Ma Biso by Dilan Nuwaragedara ft. Tharindu Damsara

මන්ද්‍රි මා බිසෝ
මේ සංසාර චාරිකාවේ
අතැර සුව පිරි නුවර
මේ වංකගිරි කොළඹ
කටු තුඩු මතින් දුවන
මන්ද්‍රි මා බිසෝ
මේ සංසාර වන්දනාවේ

දුටු දනන් පිනන නීල නෙතු සඟල
කඳුළු පිසදා සිනාවෙන කොපුල
ආලයෙන් පිරුණ සුදෝ සුදු ලැමැද
වියලුනාදෝ දිය පිරුණු විල
මන්ද්‍රි මා බිසෝ
මේ සංසාර වන්දනාවේ

සිටු මැදුරු පිස ශෝකයෙන් යුතුව
නුරාවන් මවා රාගයෙන් වෙලෙන
පාපයෙන් යුතුව හාද වී සුළඟ
මියැදුනාදෝ රොන් පිරුණු මල
මන්ද්‍රි මා බිසෝ
මේ සංසාර වන්දනාවේ

Lyrics by Dilan Nuwaragedara

අකාලික සඳ | Akalika Sanda Eliya by Akash ft. Tharindu Damsara

ශතක සියයක සහස්‍රක බදු කල්පෙක
මීන නයනිය සාදු සම්මත ප්‍රේමිය
හීන දහසක සයනයේ මා සතපන
රාත්‍රිය නුඹ මතක අනු; අවුලන

සිනහ රැල්ලය, රවා බැලුමය, රිඇක්ෂන් දහසක
නුඹේ නොනිදන ආදරේ පිටුපසින් සිට බැලුමය
තාරකා ඝණඳුරේ තනිකරනු මැන හිතවතිය මේ හැම
නිද්‍රාවේම තබා මා සඳ එළිය නිදියනු මැන
අකාලික සඳ එළිය

සරතැසින හඳ මැඳුර පිරී යන වෙලාවක සැඳෑවක
මධු බඳුන් පුරවා මේස මත තබන්නට පැමිණෙන්න
දැන් ඉතින් එහෙම බෑ මම දනිමි මුවැත්තිය
සීතලේ ගුලිවෙලා නිදියන්න – මම පතමි සුව නින්ද
අකාලික සඳ එළිය

ඩැන්ඩෙලයන් | Dandelion by Imaya Perera ft. Tharindu Damsara [2022]

අහස ගිනියම් වෙලා
වියළි තුරුපත් සරා යේ
හීන මිහිදන් වෙලා
නිස්සාර කළ යෞවනේ

සරදාකාශ සිසාරා
දේවදාර තුරු මතින්,
හමන සුළඟට අවැසි නම්,
ප්‍රාර්ථනා ඇමිණූ
ඩැන්ඩෙලයන් රේණු
අහසට විසි කරාවි
මියැදෙන මලක්
පැතුම් ඉටු කළාවේ

දේදුනු පාට තැවරූ
අළුම අළු පාට හීන
බොඳ වී නො යනවා නම්
ප්‍රේමයේ හිරු නැගෙන දවසට
ඩැන්ඩෙලයන්
නැවුම් පැතුම්
ඉටු වුණාවේ

හීන අරන් එන්න | Heena Aran Enna by Imran Usoof ft. Tharindu Damsara

අරගලය කෙලවර
කොපුල් සිඹින සිනා ගෙනෙන
නුඹ වට සරන මා මවන නුඹ

රැය තවත් දිගු නොවෙන්න
පාවී ඇවිත් ළඟ රැඳෙන්න
ලංවී හෙමින් දැන් නෙතු පියන්න
මගෙ උරහිසේ නුඹෙ හිස තියන්න
සැඟවී නොසැඟවී
යලි යලිත් හමුවී
සුවඳ අරන් එන්න

හාදු තැවරූ පිනි සීත
කියඹු වැල් එකිනෙක ලිහන්න
රැළි නගන වරල මත
මලින් මල ගෙන සරසවන්න
ළඟම දිනට – ඉඩ තියන්න
හීන අරන් එන්න

මිනැසියේ | Minasiye by Lasith Dassanayake ft. Tharindu Damsara

ආශාවරියෙන් වයන් සිතාරය
සීතල දෑතින් තත් හඬවා
විළඳ බුමුතුරුණු යාය මතින් නුඹ
පාද තබන් ගී කළඹ ගයා
මදාරා මල් හිස ගවසා
සුවඳ මදාරා හිස ගවසා

පොකුරු පොකුරු පිණි
ළැමට වඩින විට
කෝල වෙයන් ඇසිපිය හෙලලා
රෑන ගිරව් පෙල පාර බලන් ඇති
නුඹේ සඳුන් සුවඳේ එතිලා
මදාරා මල් හිස ගවසා
සුවඳ මදාරා හිස ගවසා

තාල රසේ ඇත
මීන නුවන් වල
පෑව සිනා කැන්
හදේ නිදන් ගැබ
මිනැසියේ ඉතින් මට ඒ ඇති
රෑ දොලොස් පැයේ නිදි නැති
කියඹු වැල් ලිහා හීන අමුණමි

ආදරේ දෝරේ | Adare Dore by Tharindu Damsara ft. Ishanka Janza [2022]

ආදරේ දෝරේ
කෑදරේ බේරේ
බොල් කලේ නාදේ
කන් බෙරේ පෑරේ
මී කලේ වෑහේ
මකරන්ද ඉහිරේ
සනුහරේ නාමේ
කබල්ගා පාරේ
පත්තරේ තීරේ
ලිව් අකුරු කීවේ
අහවරයි දීගේ
ඇබෑර්තු වෑහේ

සුරඟනක් වාගේ හදවතේ තාලේ නවතලා හිනැහුනා
කියඹුවක් ගානේ දවටලා ආලේ මතුරලා පැටලුවා
අසුරු සැන කල්පයක් කරවනා වේදනා
තරුකඩා ඉහිරලා ඈ ඉගිලුනා
කඩු තුඩක් රඳවලා දිය හොවා නෙත් පුරා වෙලා
මතක වැල් අස්කරන් ගියා

හිම ගිරේ රැඳුන ආදරේ නුඹට පවරලා සැනසුනා
සුව වෙලා තිබුන හදවතේ පලුව නුඹනිසා ඉතිරුනා
වසන්තය පෙනි පෙනී බොඳ කලා ඔය සිනා
සුසු⁣මෙනුත් ඇවිලුනා ඒ පෙම්කතා
ලොව මගේ කියා කුසලාන ගත් නිසා එදා
දිනුම මට ගස්සලා ගියා

මේ කොළඹ පාලුයි | Me Colamba Palui by Tharindu Damsara [2022]

මගේ බඳවට අත දමාගෙන
කලාභවනේ ඉදිරි පාරෙන්
අපි අපේ ලෝකය හොයාගෙන
ගෑටුවා මතකයි
ඔබත් අද නැති මමත් අද නැති
මේ කොළඹ පාලුයි

කොළඹ අහසේ ගොම්මනේ නුඹ
සුසුම් උණුසුම මගේ පපුවේ
තැවරුවා මතකයි
මමත් අද නැති ඔබත් අද නැති
මේ කොළඹ පාලුයි

අපිව දන්නා ප්‍රේම නගරේ
දැන් හුඟක් මහලුයි
ඔබට මතකද ගොබුඩු මී ගස්
පෙළම දැන් තරුණයි
නෙළුම් පොකුණත් ගරා වැටිලා
පරවියෝ විතරයි
කොළඹ තණ උද්‍යානයම දැන්
පාලු වුන ගානයි
ඔබත් අද නැති මමත් අද නැති
මේ කොළඹ පාලුයි

දුර ඈත | Dura Aatha by Pradeep Madahinne ft. Tharindu Damsara

සිහින දොරින් පාවෙලා
මදෙස සදෙස බල බලා
රෑන් කිවිති විහිදලා
තුසිත සිදව්වේ දුර ඈත දනව්වේ මගේ
කිදුරු කුමරියේ

මියැසිය නෙක වර්ණවත්ය මද අඳුරේ
තරුකැට එක එක මිහිමත වැටුනාවේ
සිසි පැහැයෙන් මතක කිරිසිඳුගෙන් ලැබුන
සුයාමයට රිවි කිරණය රැලි අතරේ

භවයක ලස්සන දැක අප නිවුනාවේ
හෝරාවක් ඉන්නට බෑ දුර නුඹගේ
මධුරාදී මතක සිතුවිලි කිතිකවන
දෑතේ පැටලී සුසිනිදු පිනි වාගේ

හමුවූ තැන්වල | Hamuwu Thanwala by Tharindu Jayasinghe ft. Tharindu

හමුවූ තැන්වල මල් පිපී ඇතී
පවස නිවූ දොල නොසිදී ගලා යතී
ඉරත් හඳත් ඒ එලියම රැගෙන එතී
දීග ගියත් නුඹ හමුවූ තැන්වල
මල් පිපී ඇතී

දෝණී නුඹේ තුරුලේ හිඳ නිදනවද
කරදිය සුලං වැදිලා හිත තෙමෙනෙවද
හිමිසඳු ළඟදි ආදර බස් දොඩනවද
මතකය අලුත්වෙන්නට වෙර දරනවද

නවම් මහේ උපන්දිනය සිහිකරමි
ජුවලරි සොයා ඉස්සර ඇවිදන් ගියෙමි
නොවේ අයිතියක් හොඳ හැටි එය දනිමි
කවියක ලියා පපුවේ බර බිම තියමි

ප්‍රේම නික්මන | Prema Nikmana by Himansa ft. Tharindu Damsara

අතීතයේ මතක කොදුරන
තනිකමේ තපෝ වන මැද
ප්‍රේම නික්මන දැනෙන යාමෙක
සුසුම් කඩුසිලින් හදම රිද්දන
නුඹේ මුහුලස නැගෙයි මතකෙට

හැඟුම් උයනේ අතාරින ලද
බැඳීමේ වන ලැහැබ් කටුරොද
පැටලි ඇසෙනා කඳුලු තනුවට
සඳ සේ රුව මවයි මා හද

ගිලිහි ගිය දා වසත් ප්‍රේමය
දුක්ඛ තෝමර පෙලයි හද මල
නමුදු දැරු විට විපිලිසර නෙක
අහිමිවීමම ප්‍රේමයකි සඳ