කුරුල්ලන්ගෙ තටු සින්දොත්
අහස තලේ දුර මනින්න
වළාකුලක හැඩ බලන්න
සුළං රොදක සුව විදින්න
ඉතින් තවත් හැකිද උන්ට
මී මැසි තුඩු සිද දැම්මොත්
මොවුන් කොහොම රොන් අරගන්නේ
මල් කෙම් අතරේ මුදු පහස
ලබා මලක සුවද පතුරාලන්න
ඉතින් තවත් හැකිද උන්ට
වරල් බිදුණු මාළුවෙකුට
සයුර පතුලේ කිමිදී යන්න
රළ පහර මතින්සැඩ බිද දමමින්
ගල්පර තුල සිරි දකින්න
ඉතින් තවත් හැකිද උන්ට
යෞවනයට වැට බැන්දොත්
ලපලු හැගුම් දළු දමන්න
සුවද සිතුම් මල් පිපෙන්න
නාඹර තුරු ඵල දරන්න
අවසරයක් නැහැනේ නේද