දහඩිය වගුරා කැටයම් ඔපලා
ඔටුනු තනන්නෝ
කම්කරුවෝ
කෙත පූදින්නට පස පෙරලන්නට
නගුල තනන්නෝ
කම්කරුවෝ
ඇඟිලි කපාගෙන මාල තනන්නට
සොරුන් හදන්නෝ
ගුරු දෙවියෝ
බුදුන් දකින්නට පාර කියා
විවරණ දෙන්නෝ
ගුරු දෙවියෝ
ප්රශස්ති කියනා වන්දිභට්ටයෝ
රාජ සභා හොබවන
මහ කවියෝ
විමුක්තියේ බලවේගෙට
උදාන ගී ලියුවෝ
පොළොවේ පය ගැටුණා
මහ කවියෝ
මහ කවියෝ
ඇඟිලි කපාගෙන මාල තනන්නට
සොරුන් හදන්නෝ
ගුරු දෙවියෝ
බුදුන් දකින්නට පාර කියා
විවරණ දෙන්නෝ
ගුරු දෙවියෝ
ඔටුනු තනන්නෝ කම්කරුවෝ
සොරුන් හදන්නෝ
ගුරු දෙවියෝ
ප්රශස්ති කියනා මහ කවියෝ
රට කරවන
මහ ජනතාවෝ
බැත සරි කරනා ගොවියෝ
බුදු මග කියනා ගුරු දෙවියෝ
විමුක්ති ගී ලියු මහ කවියෝ
රට කරවන
මහජනතාවෝ
හිට්ලර් වගේ රජවරු බිහි වන්නට
පාර කපන්නෝ ජනතාවෝ
ගාන්ධි මැඩ්බා කැස්ත්රෝ
නැගුවේ රට කරවන්නෝ
මහ ජනතාවෝ