සඳ වරුණාවට තරු කැට ආකාසේ
මල් වරුණාවට පිනි වරුසා දිලිසේ
සඳ මාමා අර කිරි පැණි නෑ දෙන්නේ
සඳ වරුණාවට අපි නම් නෑ එන්නේ…
පිනි දරුවෝ අපි මල් සරසා ඉන්නේ
මල් වරුණාවට විතරයි අපි එන්නේ
මං පොඩි කාලෙත් හඳ මාමා උන්නේ
රන් තැටියේ ඔය කිරි පැණි නෑ දුන්නේ…
හඳ අහසේ හිනැහෙනවා මිදුල පුරා රැස් පිපෙනා
ඒ සුදු පාටලු කිරි පැණි හැම පැතිරේ
අපි මිදුලේ නටන වෙලේ පහන නිවා යන්න එපා
හඳ එළියක් හරි දෙන්නකෝ හඳ මාමේ…
මල් උදයේ හඳ නැතිලූ හඳ එන රෑ මල් නැතිලූ
ඇයි ඔය සේරම එක පාරට නැත්තේ
මල් පිපිලා උදේ හැඩයි හඳ පායා රැයේ රුවයි
එතකොට රෑ මෙන් උදෙත් ලස්සනයිනේ…
Leave a Reply