වඩු වැඩෙන් දිවි රකින – බොහො දුකින් කල් ගෙවන දුප්පතෙකි මං
කිසිම හැඩක් නැති මෙලීය – අරගෙන මං කරන දිරිය
කපල කොටල ඉරල මැනල – හදන ලී බඩූ
තේක්ක බුරුත නැදුන් කරුවල ලෑලි – ගෙනල්ල සෑදූ බඩු කාගෙත් මනලෝලී
හිටි පුර ලිය මල්කම් කැටයම් පේළී – දමාපු අල්මාරිද හොඳ බඩු මේ ලී
පුටු සදන් හිත් දුකීන – කද බැඳන් බරට ගේන – ගොළඹ ගෙන යමී
එහිදි මගෙ පුටු සියල්ල – විකිණුනොතින් මෙමට ලොල්ල
මගේ මූණ සිනා රැල්ල – වැඩි වෙලා යති
කියත ද යතු කැටය ද නියන ද බුරුමේ – යොදාල සැදු ලී බඩු පෙන්නයි අරුමේ
වඩු වැඩ රැකියාවකි ගරු සරු ඇති මේ – මොරටුවෙ ඉපදුන අප සැම ලද උරුමේ
දැන් ඇත බැලු බැලු තැන රට හැම පැත්තේ – පිට රට වලට පවා යවනව ඇත්තේ
තියනව කල් පැවැත්ම ඉහළම තත්තේ – ඒකයි මෙහෙ ලී බඩු මුල් කැන ගත්තේ
Leave a Reply