විදුලි මිණි පහන් දැවී
බොළඳ ගී සිනා රැලි
නිලංකාර අඳුරේ සිර වී
සැඳෑ සාදයේ

කුරා කුහුඹු මිනිසා වෙමි මා
ඔබේ මන්දිරේ

එන්න කන්න බොන්න මිහිරේ
සැමටයි ආරාධනා
ඔබේ හඬ කිඳී සිඳී යයි
කතා සරිත් සාගරේ

පුරාගෙන පිරූ හිතේ
විසුළු කෙලි නැටුම් සිනා
යොමා ඇස බලන් යලි
සොඳුරේ මැදුරු දොර දිහා

දෙන්න කන්න බොන්න නොකියා
දෙනෙතින් ආරාධනා
දෑත පා ඉඳුල් යදී ඇස්
ගයා හංස ගීතිකා

ඔබේ මන්දිරෙන් එහා
මගේ ලොව බලා හිඳී
පලා යයි ඔබේ ලොවෙන් මා
දෙපා සමු නොදී

තරු රෑන රිදී පාට පාට පාවි දිලී ඈත මෑත
නීල වලා යාය සිසාරා
සඳ පාන මුවාවී බලාවි සීත පවන් ගී ගයාවි
පාළු රැයේ මා තනිවෙලා

ඈත පිපී රෑ කුසුමන් සුවඳ ගලාලා
පාළු මගේ පැල සරසා මෑත ඇදීලා
සිහින රැයේ ඈ හිනැහේ ඈත රැඳීලා
දෑස ඇගේ මා කලඹයි සීත දැනීලා

තරු රෑන රිදී පාට පාට පාවි දිලී ඈත මෑත
නීල වලා යාය සිසාරා
සඳ පාන මුවාවී බලාවි සීත පවන් ගී ගයාවි
පාළු රැයේ මා තනිවෙලා

මා තනිවූ තනි පැදුරේ අඳුර නිවාලා
දෑස මුදා නිදි දැහැනින් හැඟුම් දවාලා
මා නොපෙලා තවම දිලේ කැළුම් නිවාලා
බාල සඳේ මා හැරයන් ඈත බලාලා

තරු රෑන රිදී පාට පාට පාවි දිලී ඈත මෑත
නීල වලා යාය සිසාරා
සඳ පාන මුවාවී බලාවි සීත පවන් ගී ගයාවි
පාළු රැයේ මා තනිවෙලා

සුළඟ නුඹ වගේ සිත් මල වටා එතේ
මල් සුවඳ හොර හොරෙන් අරන් යන්නටම හදයි
වැස්ස නුඹ වගේ සිත් මලට ඇදවැටේ
මලේ පාට නොසේදීම පුදුමයක් තමයි

සිත හැඳිනුවෙත් ඔබයි
පසු පසම එළව එළවාවිත් සැනසුවෙත් නුඹයි
නුඹ මගේ සිත අරන් ගියා පුදුමයක් නොවෙයි

සුළඟ නුඹ වගේ සිත් මල වටා එතේ
මල් සුවඳ හොර හොරෙන් අරන් යන්නටම හදයි
වැස්ස නුඹ වගේ සිත් මලට ඇදවැටේ
මලේ පාට නොසේදීම පුදුමයක් තමයි

සිත තනිකලෙත් නුඹයි
මගෙ සිතේ සියුම් තැන් සොය සොය රිදවුවෙත් නුඹයි
ඒත් නුඹෙන් සිත නොමිදේ පුදුමයක් තමයි

සුළඟ නුඹ වගේ සිත් මල වටා එතේ
මල් සුවඳ හොර හොරෙන් අරන් යන්නටම හදයි
වැස්ස නුඹ වගේ සිත් මලට ඇදවැටේ
මලේ පාට නොසේදීම පුදුමයක් තමයි

සිංහල සින්දු කියන
නළලේ තිලක තියන කිරිල්ලී
තුඩින් හදවතක්‌ අරගෙන
ගිනිගත් තල් අරඹට ආවාදෝ ඉගිල්ලී

දිව නුහුරු බසින් පෙම් කවි කී
කුරුල්ලාට වශී වී
ගිනි මලින් තැනූ මල් පොකුරක්‌
අතට ගත්ත මනාලී
මධු සමේ මධුර කටු අතරේ
පිපී වැනුන සුරූපී

ගිනි අවිත් එක්‌ක පෙමින් බැඳුන
විහඟ සෙනග අඬාවී
ඒ කඳුළු සිංහලට නගන්න
නුඹට හැකිය ප්‍රියාවී
ආදරය නුඹට බාරයි
රැකගනින් දේවතාවී

සඳ රෑ සිහිනයේ
රැදෙනා දිගැසියේ
කල්පනා මීවිතේ
පිරුණා ආදරේ

කඳුළැල් පියන් වසනා වෙලේ
හඬනා යුග නෙතු
තවරා කසුන් හසකැන් දොවා
ලංවී හද පිදූ …. සරසා ආදරෙන්
තනිවී මේ රැයේ

සඳ රෑ සිහිනයේ
රැදෙනා දිගැසියේ
කල්පනා මීවිතේ
පිරුණා ආදරේ

දහවල් පැයේ යනෙනා මගේ
දකිනා සැම නෙතින්
රැකවල් හෙලා ගෙනෙනා තුරා
සුරතේ රැඳී අතින්…. සැඟවී වෙන් වෙලා
තනිවී මේ රැයේ

සඳ රෑ සිහිනයේ
රැදෙනා දිගැසියේ
කල්පනා මීවිතේ
පිරුණා ආදරේ