නිර්ණාමික ආලයේ | Nirnamika Alaye by Thilan Dhanushka [2022]

කාලයක් ගත වෙලා අප හමුවුණා
නුඹෙ මතකයෙන් මා මෙදා ගිලිහිලා
ඒත් මට රහසින් සඟවනා ඔය කෝලම් සිනහා
මේ ගොම්මන් යාමේ මගෙ හද රිදවනා

සීතල වර්ෂාවක අහම්බෙන් වගෙ හමුවුනේ
උණුසුම් විරාගයේ එක හැන්දෑවක යළි වෙන් වුනේ
චන්ද්‍රයන් සඟවා ගෙන නිමාවූ ඒ ස්නේහයේ
නිර්ණාමික ආලයේ ඇරඹුමක් දෝ මේ විඳින්නේ

හමුවෙමු ආයේ

නිහඬ වූ හැඟුමකින් ගෙවුනා මිහිරාවේ
ඉඟිබිඟි මැදින් සීරුවෙන් දුටුවා පෙම නුඹගේ
මොහොතකින් ජීවිතේ සුවයක් දැනුණාවේ
පෙම් සාදයේ නිමාවක් නොදැනුනා අතීතේ

ඒ අතීතේ හැරදමා කිමිදුණා සිසාරේ
සොයා යයි දෙමංසලින් ආලයේ පුරාණේ

සීතල වර්ෂාවක අහම්බෙන් වගෙ හමුවුනේ
උණුසුම් විරාගයේ එක හැන්දෑවක යළි වෙන් වුනේ
චන්ද්‍රයන් සඟවා ගෙන නිමාවූ ඒ ස්නේහයේ
නිර්ණාමික ආලයේ ඇරඹුමක් දෝ මේ විඳින්නේ

හමුවෙමු ආයේ

සයිකො | Psycho by Thilan Dhanushka [2022]

නිම්නාදේ තත් අතරින් අප සැඟවී සැඟවී
අඳුරු මන්දාරමේ තනිවී
ලා නිල්ලේ පාවී යනවා නොදැනී නොදැනී

නග්න වූ ජීවයේ
අවුලනා සුසුම් පාරනා
කර්මයේ කඩතොළු සොයා
අසිහියෙන් නිමකළා

ස්වර්ගයේ රූ දිහා
කල්පනා අතුරලා
මුඩුබිමේ රඟදෙනා
මානවයන් සිහිවෙනා

සැරිසරා පාරාදීසෙක අපි යලිත් තනිවෙලා
සනසවා නිවාලන්නට කාටවත් බැරි වෙලා

කාලයක් හිතේ මැවුනු හීන දිය කරලා
ජාලයක් වගේ ලෝකය සිව්දෙස කැළඹෙනවා

වියරු මනසින් මා දුටුවා
මිනිසුන් යදිනා
සියළු දේවල් අතහැරලා
නිවිලා යනවා

මාවතේ සරනා දිනේ
නෑ සෙනේ කිසි කෙනෙකුගේ
සරදමින් වියලුණු ලයේ
පවසමින් අතීතයේ

අසුරයන් හමනා ලොවේ
මා සිරවෙලා දුමාරයේ
ගිල්වුනත් මිරිඟුවේ
රළ නැගෙයි ක්ෂිතිජයේ

abhisheka wimalaweera,abisheka malith songs,abhisheka new songs,abisheka new songs,abhisheka songs,abhisheka yannama awasarada,abisheka hemal,malith perera songs,hemal ranasinghe,abi new song,malaka weerakkody,sinhala love song,sinhala songs,abhisheka,podu theam song,new sinhala song,2021 sinhala song,new sinhala songs,abisheka,abi songs,abhiskinclinic,latest sinhala songs,abiseka,malith perera,nissara music video,love songs,hemal music video, lyrics,shape of u lyrics,ed sheeran lyrics,cupid lyrics,shape of you lyrics,cupid twin version lyrics,lyrics cupid,shape of you ed sheeran lyrics,ed sheeran playlist,ed sheeran shape of you lyrics,shape of you remix,feeling lonely,fifty fifty cupid lyrics,cupid fifty fifty lyrics,cupid song,music,ed sheeran songs,ed sheeran equals,hopeless romantic,shape of you,i’m feeling lonely,shape of you tiktok,second chance to cupid,pop music

ඇතීනා | Atheena by Thilan Dhanushka [2021]

මා ඈත නිල්වන් වලාකුලේ
වියරු මනරම් දුමාරයේ
කුරිරු නරයන් තටාංගනේ

ඈ සීත පිනි රැලි මාලිගේ
සැමරු වීනා සරාගයේ
තැවරු තත් පුරා

මායාවේ මාන පුරා
සේයාවේ සේල සොයා
සීමාවේ වලා ඉරා
මන්දාරම් අඳුර පුරා

ආලයක් නොදැනෙනා සේ මන මරා
හේමන්තයේ අනුරාගේ විසිරිලා
දෙවඟනක් දෝ ලියෙ ඔයා
සොම්නස් මවා සැඟවිලා

ඇතීනා
ඇතීනා
ඒ මා තැවූ
විරහා නිවූ

ක්‍රෝධය විසිරුනු යුධබිමෙ දැල්වුනු ගිනිදැල් අතරින් නුඹ දුටුවේ මා
මායා ලොවකදි මුල්ගත් ප්‍රේමය කිමිදී ඉපිලී මා හද නිවුනා
අවුලවා මා අසපුවේ තනිවුනා මන්දිරේ
හිමි නොවී යාවිදෝ මේ ආත්මයේ

ඇතීනා
ඇතීනා
ඒ මා තැවූ
විරහා නිවූ

ධූම වර්ෂා | Dhuma Warsha by Thilan Dhanushka [2021]

මන්දාකිණියේ බබළවනා නිල් තරුවක් වී රෑ අහසේ අන්ධකාරය මැදින් පීරා නුඹ සොයා ආවා

මා සිවු ලොවේ හිණිමං තනාලා රාගයෙන් නුඹ හා වෙලීලා රුදුරු මායිම් නියම් ගෙවාලා නුඹ සොයා ආවා

යාත්‍රිකයා හමුවේ මේඝ වර්ෂා පවා බිඳුනේ
සක්වලින් පැමිණෙනා දිනයේ ධූම වර්ෂා පවා
නැගුනේ

පාවී එන්නම් ඔය දෙනෙත් සොයා මං රහසේ
සැගවී යාදෝ නුඹ සඳුගේ හද තුරුලේ
මා එනතෙක් හැකිදෝ ඉන්නට කිඳුරේ
දැක ගන්නට පමණයි මගෙ මේ ගිනි ගෙන දැවෙනා ආදරේ

හමනා මේ සුලගේ තවරා එයි සෙනෙහේ
කුමරි සිනහවෙන් මා වෙත හෙලනා ඒ බැල්මේ
සඳ අයිතිය දැරුවත් මට අහිමි වූවත්
පවුරක් නෑ මා කෙරේ යන්නම් මගෙ සිහිනයන්
කොදෙව්වේ

තරු කුමරී හිමි ආලයටයි අඹරේ
නෑ වරමක් මා හට ඒ රිදුමන් සිහිනේ
ලෝ පරදාලා මේ යන ගමනේ
මා සිත පරදාලා බිඳුනාවේ

පාවී එන්නම් ඔය දෙනෙත් සොයා මං රහසේ
සැගවී යාදෝ නුඹ සඳුගේ හද තුරුලේ
මා එනතෙක් හැකිදෝ ඉන්නට කිඳුරේ
දැක ගන්නට පමණයි මගෙ මේ ගිනි ගෙන දැවෙනා ආදරේ

අරුමයක්දෝ | Arumayakdo by Thilan Dhanushka [2021]

අරුමයක්දෝ ඇරඹුමේ
හැරවුමක්දෝ භවතුරේ

හිමිදිරියේ
මැවෙනා මේ
නෙතු අග ඇදි ඒ රුවේ
සිහිනෙක මං මුලා වුනේ

සන්ධ්‍යාවේ
අවරට පියඹනා දිනේ
ගිනි සිලු නිවෙනා ක්ශිතිජයේ
ඡායා අතරමං කලේ

විවර වී යන මානයේ
කාලයන් අතර නුඹ සොයා
මනසින් යාවුණා

ගගන වන් වූ නිල් තලේ
ධූමයන් අතර සැගවීලා
දෙනෙතින් මත් වුණා

අරුමයක්දෝ ඇරඹුමේ
සිහිනයක්දෝ අළුයමේ
මිරිගුවක්දෝ හැන්දෑවේ
හැරවුමක්දෝ භවතුරේ

මීදුමක් මැදින් පිබිදුණු මල් සරාවියේ
නොපෙනෙනා දුරින් නුඹ යයි අනන්තෙට වගේ
සසර චාරිකා අතරින් හමන මාරුතේ
කෙදිනකදෝ යලි අප හමුවන්නේ

මා කොතැනදෝ මේ ලොවේ
ඈ රැදුනේ නෑ මේ භවේ
ඒ මතකයන් නිම්නයේ
ගිල්වුනා ආලයේ භවේ