කාලයකට කලින් | Kalayakata Kalin by Ramidu [2024]

කාලයකට කලින් හිත ගාව
නැවතුනු එක රුවක් ඇත තාම
සිර වෙලා – මා නෙත් පාරවා
ඈ ළඟ නැති පෙමක් මට දාව
හිමි නැති උණුහුමක් මම තාම
සොයනවා – ඔව් මා සොයනවා
මට නැති වුණේ මා කෙරේ
බිඳුවක් හෝ ආදරේ නොදුන් ඔයා
නොදොඩාම මගෙ භාරයෙන් නුඹත් මිදී ගියා
මට වගේ නුඹ හට දැනෙන්නට නම් දී නෑ මෙමා
පෙර දාම ඒ හාදකම් අපෙන් ගිලිහී ගියා

සඳ නැති රෑක මං මා කෙරෙන් – නුඹ දුන් හීන මකන්නම්
නිදි නැති රෑම මං පාළුවෙන් – සිතුවිලි අකුරු කරන්නම්
හිනැහෙන වාර දැන් නැති තරම් – අල්ලාගෙන මම ඉන්නම්
නුඹ නැති දාට මං ආදරෙන් – මගෙ හදවත සනසන්නම්

ඈතින් නුඹ ඉඳන් දිලුනාට
මා ඇත්තේ ළඟයි සිතලාම
ළං වුනා – නුඹ ඈතට වුණා
මා අරගෙන දුරක් ආවාට
පාවෙන නැවතුමක් නුඹ තාම
වැරදුනා – මට මඟ වැරදුනා

ඔබ නැති කලේ – ඔබෙ සෙනේ
රහසින් වත් මුලාවේ නොහෙළු මෙමා
මට තාම අදහන්න බෑ එසේ කළා කියා
මතු දිනේ මා වැනි තවකෙකු සොයා ඇදෙයි ඔයා
නුඹ මාව ඒ කිසිම දා සොයන්න නම් එපා

සඳ නැති රෑක මං…

written by Lakshitha Mihiran

පිහාටුවක් සේ | Pihatuwak Se by Ramidu [2023]

නුඹ නොඑනවා නම් – මට කියනවා නම්
විඳි වේදනා හමුවේ නොසැළී හිඳින්නම්
හිත රිදෙනවා නම් – විමසන්නෙ නෑ මං
නුඹ කීව කාරණාවන් මා ඉවස ගන්නම්

කඳුළක් වූ මගේ මතකේ
යලි පාරන්නෙ ඇයි ළං වී
මා වින්ද ආදරේ මියැදී ගිහින්

නුඹෙ හිත පිහාටුවක් සේ පාවී ඈතට
මගෙන් මිදී දුර යාවී වෙනතක
බලා හිඳිනු හැර කුමක් කරන්නද මා
මෙපමණ කලක් පුරා මා නුඹගේ පසුපස
හඹා ඇවිත් බෝ වෙහෙසයි දැන් මට
ඉතින් සමු අරන් වෙන් වී ඉන්නම් මා

සීරුවෙන් බලාන හිඳ, ගනිමි විරාමයක්
රෝස කටු මතින් මා ඇවිද සෙවූ ආලයත්
තේරුමක් නැතැයි වැටහෙන්න ගියපු කාලයක් !
මලට බර නොදී බැස ගන්න නුඹ පමා වෙයන්

අඳුරුයි මා ගෙවූ අතීතේ
යලි පාරනු එපා ළං වී
මා වින්ද ආදරේ මියැදී ගිහින්

නුඹෙ හිත පිහාටුවක් සේ පාවී ඈතට
මගෙන් මිදී දුර යාවී වෙනතක
බලා හිඳිනු හැර කුමක් කරන්නද මා
මෙපමණ කලක් පුරා මා නුඹගේ පසුපස
හඹා ඇවිත් බෝ වෙහෙසයි දැන් මට
ඉතින් සමු අරන් වෙන් වී ඉන්නම් මා //

written by Lakshitha Mihiran

හීන දුන්නු ආදරී | Heena Dunna Adaree by Ramidu [2023]

සඳ නේන රෑ මේ තනියෙන් ඇයි තරු වැල් කියන්
නුඹ නේන මඟ මා තනියෙන් ඇයි තව මඟ බලන්
ගිලීහීම රිසි නම් කිම වෙලුනේ අතැඟිලි හොරෙන්
කඳු පාර ළඟ තනිවම මැකුවා තනිකම හිතින්

මට හීන දුන්නු ආදරියේ
නොකියාම යන්න ඇයි බැඳුනේ
හැම රෑම ඇවිලුනා හිත මේ
ඇයි ලංවුයේ
බිඳුනාම හීන ආදරියේ
නොදැනීම බරවුනා නෙතු මේ
හිමිවීම අහිමි නම් ලඳුනේ
කිම හමුවුයේ

පපුතුර වෙලෙන්නේ කිම පවසපන්
නුඹෙ මතක ගානේ හද පාරවන්
හිමි නොවුනු තැන මා නැවතී හිතින්
නොදොඩාම ඉන්නම් හිමි වු ලෙසින්

මට හීන දුන්නු…

Written by Umera Pathirana

නොහිමි | Nohimi by Ramidu [2022]

සිහින සිහිනම නොවන තැන් වල
හිතේ සොඳුරුම මුදු හැඟුම් වල
නොහිමි කවියක ඔටුනු පැළඳුව
කිරුළු වැළපෙයි නොලද සිහසුන

නෙතින් ගිළිහෙන කඳුළු බිඳුවක්
කොපුල සිපගෙන ගියත් අහිමිව
නුඹට මට වාගෙම කඳුළටද
හිමියි කොපුලත සිඹින අයිතිය

සිහින සිහිනම නොවන තැන් වල
හිතේ සොඳුරුම මුදු හැඟුම් වල
නොහිමි කවියක ඔටුනු පැළඳුව
කිරුළු වැළපෙයි නොලද සිහසුන

මගේ හදවත රිදුන තැන්වල
නුඹේ කඳුළක නෙතේ හැංගුන
අපිට අපි හිමි නොවුන තැන්වල
කිමද දැනුනේ සෙනෙහෙ සොඳුරුම

Written by Ramidu Yashmintha