කියන්න සුලගේ ඔබ කොයි සිට දෝ එන්නේ
සැරින් සැරේ හෙමින් ඇවිත් හයියෙන් යන්නේ
කියන්න සුලගේ ඔබ කොයි සිට දෝ එන්නේ
සැරින් සැරේ හෙමින් ඇවිත් හයියෙන් යන්නේ
කොහෙන් කොහොම ආවත් මොකටද විමසන්නේ
වනන්තරේ ඔබ දැක නැති තැනකිනි එන්නේ
හමන තාලයටද ගහේ අතු කොල නැටුවේ
අතරමගදි ඔබ එනවිට මොනවාද දුටුවේ
ගොපලු පුතෙක් ගියා උදේ ගවරැල දක්කා
මට අත වන වන කුඹුරක් නැටු හැටි දැක්කා
සමගි වෙලා තැන තැන යනවාලු එක රැලේ
කැලය මැදදි සත්තු දැක්කේ නැද්ද මද නලේ
කුරුලු මවක් නැති උනු පොඩි පැටවෙකු සෙව්වා
තුරුලු කරන් මුව දෙන පැටියාට කිරි පෙව්වා
බුදුන් ගේ සිරිපාද තියැයි ලොව පරසිද්ද
සමන් ගිර වටේ සුලගේ ඔබ ගියේ නැද්ද
ඔබත් ළමයෝ මේ අහන්නේ මොනවාද මන්දා
අදත් උදෑසන මා සිරිපාදය වැන්දා
රටක් බලා හැමට සිසිල බෙද බෙද දෙන්න
මටත් ඇහැකි නම් ඔබ මෙන් තැන තැන යන්න
රටක් බලා හැමට සිසිල බෙද බෙද දෙන්න
මටත් ඇහැකි නම් ඔබ මෙන් තැන තැන යන්න