නුඹේ ලෙංගතුකමට
හිතින් මා පෙම් කල තරම්
නොකිව්වට මම කියයි නුඹහට
වැව රවුමෙ රොබරෝසියන් …

ගිහින් අහපං අහසින් සෙංකඩ
ප්‍රේමයේ පරිමාව දැන්
හෙලන වැහිකැට ගණිනු හැකිනම්
ආදරෙයි එපමණකි මං …

අදුරු ලාගෙන වහිනකොට වැහි
සිත් ඉමට පාලුව අරන්
රැගෙන උණුහුම වරෙන් හනිකට
උඩුරාවණ මොන දුරද බං

 

ඈ ඉන්න රෑ මා ඉන්නෙ නෑ
ඈ ඉන්න රෑ මං නෑ
ඈ හැම රෑ පායන්නෙ නෑ
ඈ ඉන්න රෑ මං නෑ

සියොලඟ මල් ගවසලා
ඈ මිහිදුම් පට ඉරා
මා සිහිනෙක සතපවා
ඈ යයි තරු පිරිවරෑ

වළා යහනෙ සැඟවුලා
ඈ මගෙ හද කළඹලා
මා තනිකර දා ලොවේ
සඳ සාවියෙ ඇයි ගියේ

ඈ ඉන්න රෑ මා ඉන්නෙ නෑ
ඈ ඉන්න රෑ මං නෑ
ඈ හැම රෑ පායන්නෙ නෑ
ඈ නැති රැයක් මට නෑ

 

 

නුඹ නොමැති දිහාවක තල කොහිද සඳළු
කටු මතින් ඇවිද යමි මතක වන වදුළු
උහුලන්න බැරි තරම් සිහිනයන් සිඳළු
ලස්සනම තැන් වලයි තියෙන්නෙම කඳුළු

රැයක මැදියම අරන් ගලවමි දෑස්වල ඇබේ
එතැන් සිට ගලන්නේ මොනවාද ඉබේ
ඉතින් නුඹ තබාගිය සිනාවන් තැනින් තැන තිබේ
අතීතය සිහිකරන් හොදටෝම මං රිද්දගනු ලැබේ

කාගේ කාගේත් දෑස් කෙලවර ශේෂ කඳුලක් තියනයවා
බැරිම තැන් වල එහෙම ඒවා ගලාගෙන බිම හැලෙනවා
හිමිනොවූවත් සමහරක් අය අහිමි වෙන තැන බැඳෙනවා
සදාකාලික ප්‍රේමයක් නම් කවදා හරි අත් හැරෙනවා

 

 

Download the Official Audio from Here!!

පාන්දර උඩමළුවේ ඇහෙනකොට පිරිත් හඩ
මුදලාලි ලා ඇහැරවනවා විඩාපත් වුන තේ කඩ
දොර දෙකේ දිඟ බස්වල’ සුදු ඇදන් පැමිණෙන නඩ
වතු සුද්ද මල් හිනා වෙනවා සිලි බෑග්වල අඩ අඩ

උබ හිටියේ හරියටම තුන්මන් හන්දියක් ලඟ ඉදගෙන
මොන පාරේ යනවද “හෝ දහය විස්ස තිහ” ගැන ගැන
අහක බලාගෙන වගේ දෙන සියුමැලි අතක් අරගෙන
හොඳම දේවල් ටිකක් කිවුවා නරක සේරම දැනගෙන

ප්ලාස්ටික් වට්ටිවල නෙළුම් හිනා වෙන්නෙත් බලෙන්
විසදන්න බැරි තැන් නැද්ද කර්මය කර්ම ඵලෙන්
හුඟක් ඇස් නළලවල්’ වල උබ කිව්ව පොඩි මිලෙන්
පුදුමයක් නෑ බඹරු දන්නේ රොන් ගන්න විතරයි මලෙන්

අපේ ජිවිත හැම තැනම’ පුරවන්න බැරි කුස්තුර
ඉනිවැටක් වත් නැතුව’ වැටවල් කොහෙද ලීස්තර
උබ රේඛා ගනින අත්වල’ තියන අරුමෝසම් මෝස්‌තර
දුක හිතෙනකොට අහක බලපන්’ කියපන් වැරදි සාස්තර

මහා කුණාටුවක් මැද
ජිවිතේ ඉරෙන රුවලක්
ඉසුරුමුණියෙත් ඉන්නවා
සාස්තර කියන යුවලක්

 

Download the Official Audio from Here!