හමනා සිතුවිලි රෑ සිහිනේ පාවී
ගෙනෙනා ඔය රූ නෙතු මානේ ඇදි
සුරකින්නම් සදා හිතවතියේ
හිමිවේ නම් ඔබේ ස්නේහේ
සුරකින්නම් සදා හිතවතියේ
ඔබෙ සෙනෙහේ මගේ ජීවේ
ජීවේ මගේ

කඳුළැල් නෙතුතෙමා සුසුමන් හද පුරා
අඳුරයි එදා දිවි මංසලේ
මට හිමිවුණේ ආදරයේ නමින්
හිඳිමී තනිවී අඳුරේ සොයමි රෑ දිවා සහනේ

සුරකින්නම් සදා හිතවතියේ
ඔබෙ සෙනෙහේ මගේ ජීවේ
ජීවේ මගේ

ආ ගලන කඳුළැලි සමුගනී හාදු දී නෙතගේ
මගෙ ලොවේ හිරු එබී අඳුර යයි මියදී
සිතුවමින් හදවතේ අඳිමි ඔය සිනා

සුරකින්නම් සදා හිතවතියේ
ඔබෙ සෙනෙහේ මගේ ජීවේ
ජීවේ මගේ

විකසිතයි නුඹෙ සිනා සුසුමන් වියැකුනා
එළියයි මෙදා දිවි මංසලේ
මට හිමිවුණේ ඇයි ආදරේ නමින්
හිදිමි ඔබගේ තුරුලේ රකිමි සැමදා සෙනෙහේ

එන්න එළියට සොඳුර දැන්
ඔබ පතා තරුමල් අවදියෙන්
සඳ ඔබට පරදින හැටි බලන්නට
එන්න සොඳුරිය දොර ඇරන්…

එන්න එළියට සොඳුර දැන්
ඔබ පතා තරුමල් අවදියෙන්
සඳ ඔබට පරදින හැටි බලන්නට
එන්න සොඳුරිය දොර ඇරන්…

වැව් කුමුදු මල් දිය මත හිඳන්
පුර හඳට ළං වී සීරුවෙන්
නිල් සළු ඇඳන් වැව රැළි නඟයි
රෑ කුමාරියට බැඳි ප්‍රේමයෙන්
ඔබ විතරමයි අඩු මේ රැයට
දැන් එන්න එළියට දොර ඇරන්….

එන්න එළියට සොඳුර දැන්
ඔබ පතා තරුමල් අවදියෙන්
සඳ ඔබට පරදින හැටි බලන්නට
එන්න සොඳුරිය දොර ඇරන්…

සීතල සුළං සී පද කියයි
වැව් ඉවුර මත මදහාසයෙන්
තුරුලිය සෙමෙන් කෙහෙරැළි කඩයි
මිදුම් යහන අනුරාගයෙන්
ඔබ විතරමයි අඩු මේ රැයට
දැන් එන්න එළියට දොර ඇරන්….

එන්න එළියට සොඳුර දැන්
ඔබ පතා තරුමල් අවදියෙන්
සඳ ඔබට පරදින හැටි බලන්නට
එන්න සොඳුරිය දොර ඇරන්…