There are 85 posts filed in Tharindu Damsara (this is page 8 of 9).
ගින්නෙන් උපන් දේවි
ළය මඩල අවුලාවී
විටෙක දැවෙනා හදේ ගිනි
ඈ නිවාවී..
නෙත් දැහැනේම පේවී
හීනෙකට ඈ වඩීවී
නිදි නැති රැයේ කෙහෙරැලින්
මා දවාවී….
අග්නි දේවතාවියේ
ගින්නෙන් උපන් දේවී..
මලක රොන් ගෙන යන්න
බමරු එහෙමයි දන්න
මලම ඉල්ලයි බමර පහසින්
කටු පිරුණු නටුවක් වී
මා රකින්න
සුළඟ සේ නුඹ එන්න
ඇවිත් මා සිපගන්න
වෙලී සියොළඟ සුවඳ අරගෙන
හැඟුම් නැති මාරුතය වී
පෙති සලා හැරයන්න…
අදහසක් නැති හිස් පිටුවකි
හැඟීමක් නොඑනා හිස්කමකි
ප්‍රේමයක් වුව රික්තයකි
නිතර අවුලන අවනඩුවකි
මේ කවි නොලියෙන කාර්තුවයි
මතකද එදවස
රතුපාට හැන්දෑවක
මවුන්ට් ලැවීනියා අහස
අප වෙනුවෙන්ම
මගබලා උන්හැටි
මතකද එදවස
ගෙවීයන තත්පරය පවා
කල්පයක් මෙන් දැනෙන
දිනක් දෙකක් වුව
ආත්ම ගනනාවක් මෙන්
ගලපාගන්නට
කල්පනාබරව උන් හැටි
මතකද එදවස
ඊයේ නැති වෙනසක්
ඔබගෙන් දැක
ඊයේ නැති හැඟුමකින්
සිත වෙළාගෙන
ඊයේ වගේ නොවේ අද
අද වගේ නොවේ හෙට
සැබෑවටම කවුදෝ ඔබ
නෙක හැඟුමන් වලින්
මසිත පුරවාලන
පිණි බිඳුවක් මෙන් ගලා අවුදින්
මගේ ගත සිත නිවාලන ඔබම
චණ්ඩ හිරු කිරණක් වී
මා දවයි….
තරු නෙත්වලින් විද විද
හී සර
ඊයේ වගේ නොවේ අද
අද වගේ නොවේ හෙට
සැබෑවටම කවුදෝ ඔබ….
සැඩ සුළඟක් මෙන්
හමා ගොසින්
මා අවුල්කර දමා ගිය ඔබම
පුංචි මුව පොව්වෙකු සේ
යළි හිඳියි….
මෘදු සිනාවතින් මගේ අද්දර
ඊයේ වගේ නොවේ අද
අද වගේ නොවේ හෙට
සැබෑවටම කවුදෝ ඔබ….
දිටිමි නොදිටිමි සොයමි ප්‍රේමය
දිටිමි නොදිටිමි සොයමි ප්‍රේමිය
සංගායනා කරන්නට සිතුවෙමි ප්‍රේමය
මමත් ලැහැස්තිය නුඹ නැත තවම
ප්‍රේමිය…
නුඹ නුඹම ය මම මමම ය
අපි හමුවුන නොනිදි රැයට
මට මතකය නුඹ තුරුලට මං විහිදුව
හුස්ම පොද
මකරන්දය වෙළුණු හවසක
සියොතුන් ගී ගයනා දවසට
අපි හමුවෙමු අපි අතරම
ප්‍රේමය…
යශෝදරාවියක් වගේ මා වෙනුවෙන් ඉපදුනාය
ජීවිතේ හොදම හරිය නුඹ එක්ක ගෙවෙනවාය
මකරන්දය වෙළුණු හවසක
සියොතුන් ගී ගයනා දවසට
අපි හමුවෙමු අපි අතරම
ප්‍රේමිය…
කල්වාරි කදු පාමුල
මග්දලේනා මරියනි
සාංකාමය දෑස් පතුලින් කොන්ත තරුඑළි දැල්වුනි
පින්තාරු කල සිහින නගරයේ
සංසාරයේ සලු මිදුනාද ප්‍රේමියේ
නින්නාද දී ඇසෙන කන්තාරු හඩට සන්තාප සුසුමකින් ඇහැරෙමි
හුරු පුරුදු කදුලකින් ඇණ ගැසෙන ප්‍රේමයේ කුරුසයක බර දරා හිනැහෙමී
නන්නාදුනන රැය දිගුවක්‍ ය රාගයේ
පළමු ගල ගසාපන් ද්වාරයට ස්වර්ගයේ
උත්ථානයේ සිහින නොදකිමි
සන්තානයේ නිනද දී ඇසේ නැසෙන ගීතකාම ස්වරය මරියනි
ඇහි පියල්ලක මිදුනු පිනි කදුලු උල්පතක ස්වර්ගීය උණුහුමෙන් පිබිදෙමි
නන්නාදුනන රැය දිගුවක්‍ ය රාගයේ
පළමු ගල ගසාපන් ද්වාරයට ස්වර්ගයේ
උත්ථානයේ සිහින නොදකිමි
වරාමල නුඹ ඔහේ පාවෙන
සැඩ මාරුතය වෙස් පෙරලුවෙද
සුකුමාල නුඹ දැක?
කිතිකවන සනසවන රවටවන
මන්ද මාරුතය පෙරලු වෙස් දැක
සොරාගත් වරාමල නුඹ
නග්න පෙතිමත රැදුනු පිනිබිදු
පෙරලු මාරුතය සැකයි නුඹමට
යළිත් මේ අරාදිනුයේ බියකරන්නද?
සියුමැලි වරාමල නුඹ
සහස්කර නුබෙ පලිඟු පෙතිමත
ප්‍රභාකරනා සප්ත කිරනත
මනබදින රූ
වරාදෙවඟන
ඒ සියුමැලි
වරාමල නුඹ
වියපත් වූ දින හදවත
පෙරකල අමතක මතක
යලි පාරා හඩවනු මිස
හිනැහෙද දුවමින් අතීතය
කාලය නවතනු මැන
අමතකද ඒ දවස්
සොදුරිය
විරාජිත කාලයක සුවදදෙන
මිහිරි යැයි කීවද සදාකාලික
සැඩ සුලන් මෙන් ගසාගෙන යන
නියතයක් නැත ප්‍රේමේක
මියැදෙමින් ඔබ හා මා නවතන
නිරාමිස ආලයට පෙම්බදින
ඉතිරිවන නීරස නිශායාමය
හැම වදන් සෙත් ගීතයක බැද
නැවතුමක් නැත ආලේක
සිහිවෙමින් මතකයෙ රිදවන
කිමද රාවණා නුඹ නේන කාරණා
කන්කලු රාවණා වෙණ නද නෑසෙනා
හදවත පාරණා පැතිරෙන කාරණා
කදුලු බර වැඩී දෑසට රාවණා
කාරණා මන් කියන්නම්
පෑරෙනා හිත හදන්නම්
වේදනා පිස නිවන්නම්
රාවණා මා
මන්දෝදරී
සක්වලින් පිට පවා රැව්දුන් අපේ ආදර අන්දරේ
ප්‍රේමයේ දෙවගන නුඹයි ගිරි මාලිගේ
මදාරා මල් අතර සැගවූ ප්‍රේම ආලක මණ්ඩපේ
මියෙන තුරු සොදුරුතම රතිගන
නුඹ තමා මන්දෝදරී
අදුරු කළුදිය පොකුණ සැගවුන
කටුක අමිහිරි බෝ රහස් ඇත
අතීතය සිත ගොළු කරයි මා ආදරී
ගැඹුරු සිතිවිලි අතර සැගවී
නුදුරු ලෝකයෙ සැගව යමු අපි
අතීතය හීනයක් නොව මන්දෝදරී
රෝමියෝ නම් වෙන්න එපා නුඹ
මට බැහැ ජුලියට් වෙන්න
පෙම් කළත් කොයිතරම් නුඹට
පෙම නිසා බැහැ මියැදෙන්න
ළඟ ඉන්න ඕනෙමද
පෙම් කරන හැමදේම -හැමදාම
ළඟ නැතත් එය
දුරින් හෝ හිඳ හිනැහෙනු දැක
සැනසෙන්න හැකි හදවතක් තනාගනු මිස
ප්‍රේමයේ නමින් මියැදිලා කුමටද?
මියැදෙන්න ඕනෙමද
පෙමක් නැතිවූ විට හඬා වැලපීම
පෙමක් නොලබා කිසිදාක
තුටින් වෙසෙනා හදකින් එහි රහස අසාගෙන
ප්‍රේමයේ නමින් ජීවත් වෙමු තව
මල් සර හීයකීන් පෙම් රස හීනෙකින්
නෙත් සර රැහැනකින් පැටලිලා
ඉඟිමරන නෙත් ඔබේ සිසිලයි
නිදිවරන තත්පරෙත් සුවදයි
වරළස ලිහාගමි පින්නේ
මේ රහස කවුද දන්නේ
අක්බඹරු දෙවුර සිපගන්නේ සීතලේ
කලබලෙන් නුඹ
මතකයට එන
ලස්සන ම රහස මම නම් තාම නෑ දන්නේ
දෑස හරි කාන්සියෙන් ඉන්නේ
කවදාද ආයේ නුඹ එන්නේ
හිනාවක මාව නලවන්නේ රාත්‍රියේ
ආදරෙන් ළඟ
පටලවා ඉඟ
පියමනින දවස කවදාදෝ තාම නෑ දන්නේ
Download the Official Audio from Here!!
