මල් වරුසාවේ පාවී එන්නම්
රෑ අදුරේ…තරු කැට අතරින්
ඔබ එනවානම් – රැදෙන්නම් සිතේ
සීත රැයේ තනිකම නොදැනේ…
නිල් ආකාසේ…පාවී එන්නම්…
පාවී එන්නම්…..

පිණි දිය විසිරුනු ගං ඉවුරේ
දිය රල බිදුනේ ගී හඩ සේ..
ඔබ මා වූ සිහින පැලේ
සෙනෙහේ දැනුනේ…
මල් වරුසාවේ…පාවී එන්නම්
පාවී එන්නම්…..

මල් වරුසාවේ පාවී එන්නම්
රෑ අදුරේ තරු කැට අතරින්
ඔබ එනවානම් රැදෙන්නම් සිතේ
සීත රැයේ තනිකම නොදැනේ
නිල් ආකාසේ…පාවී එන්නම්…
පාවී එන්නම්…

මල් මිටක් තියන්න ඔබ අතේ
මට කියා කොයින්ද මල් වනේ
ජීවිතේ විසල් නදී තෙරේ
තුරු හිසත් මලත් ඔබයි මගේ

සොඳුරු කවි ලියාන හිත් කොනේ
තාරුකා වහින රාත්‍රියේ
ගෙල වටේ ගිලී හමා ඇදී නළරැළී
ඔබයි මගේ

මල් මිටක් තියන්න ඔබ අතේ
මට කියා කොයින්ද මල් වනේ
ජීවිතේ විසල් නදී තෙරේ
තුරු හිසත් මලත් ඔබයි මගේ

තුරුලතා පවා දුකෙන් වගේ
අත වනා හොයන්නෙ ඔබ කොහේ
හැන්දෑව වගේ සෞම්‍ය වී නිදා ඉන්න
මගේ හදේ

මල් මිටක් තියන්න ඔබ අතේ
මට කියා කොයින්ද මල් වනේ
ජීවිතේ විසල් නදී තෙරේ
තුරු හිසත් මලත් ඔබයි මගේ

සැබෑ නොවෙන හීන හරි මිහිරි
ක්ෂිතිජයක් සේ රවටලා හිත
සිතින් විතරක් එක් වෙලා
අතීතය දෝතට අරගෙන අපි
අහස් ගඟටම විසි කලා
සැබෑ නොවෙන හීන හරි මිහිරි…
සැබෑ නොවෙන හීන හරි මිහිරි…

එදා අපි පියමන් කරපු මග
වියලුවක ගී ඉතිරි වී ඇත
එපා සුළගේ අරන් යන්නට ඔහේ තිබුනාවේ
සැබෑ නොවෙන හීන හරි මිහිරි…
සැබෑ නොවෙන හීන හරි මිහිරි…

පහන නිව්නා පහන් පැල මත
ඒ සුවද තවමත් රැදී ඇත
එපා සුළගේ අරන් යන්නට ඔහේ තිබුනාවේ
සැබෑ නොවෙන හීන හරි මිහිරි…
සැබෑ නොවෙන හීන හරි මිහිරි…

රෝස මල් යායේ
රෝස කුමාරියේ
ඔබ මගේ මා ඔබෙයි
ප්රේම ගී රාවේ
පාවේ සීත කඳු තීරේ
සීත කඳු තීරේ

රෝස තොල්පෙති සැලී සැලී
කීව රහසයි ආදරේ
රෝස මල් සේ මල් පිපේ මා ලයේ
ආදරේ නිසා
සුන්දරයි මේ ජීවිතේ

සීත පවනැලි ඇදී ඇදී
රෝස දෙකොපුල් සිඹින්නේ
ඒ වගේ මා ලංවෙලා කුමරියේ
හාදුවක් පුදා
ගයන්නද කී ආදරේ