මේ තරම් නුඹ සුවද දැයි
නුඹ මලක් දැයි මට සිතෙයි ……
මේ තරම් නුඹ සුමුදු ඇයි
මල් වතක් දැයි මට සිතෙයි……..
මේ තරම් නුඹ සිසිල ඇයි
සඳ වතක් දැයි මට සිතෙයි ……..
මේ තරම් නුඹ මිහිරි ඇයි
නුඹ මගේම දැයි මට සිතෙයි….

දිය සරැළි වෙරළට හාදු දෙයි
මට වෙරළ වන්නට සිතෙයි

නිල ගඟුලට දිය ඇදෙයි
මට සයුර වන්නට සිතෙයි. ……..

සඳ එළිය කදු මත තොල් තියයි
මට කන්ද වන්නට හිතෙයි

මුළු ලොවම නුඹ මුව මත තබයි
නුඹ මගේම යැයි මට සිතෙයි. ……

වල්ගා තරුවක් අහසේ දැක මා
පැතුවා මට සැනසුම දෙන්න කියා
පැතුමම ඉටුවී මෙදා ඔබ නොපෙනී යන්න ගියා
ඔබ නොපෙනී ගිය නිසා සැනසුම මට ඉතිරි වෙලා…….
වල්ගා තරුවක් අහසේ දැක මා
පැතුවා මට සැනසුම දෙන්න කියා…….

ඇඟට පතට නොදැනී නුඹ මට ගෙනදුන් වේදනා
හිතට ගතට උරුම කළා නුඹ නිරයේ වේදනා
මනසක් නැති මිනිසෙකු වූ මෙදා
සිහිනය විත් බැලුවා මා දිහා
නුඹ මට දුන් වේදනා යළි කිසිදා මට එපා
අපි ගැලපෙන්නෑ කියා මට දැනුනා හිත තියා…….

වල්ගා තරුවක් අහසේ දැක මා
පැතුවා මට සැනසුම දෙන්න කියා…….

ළයට තුරුළු කරගෙන නුඹ මට ජීවේ රසය කතා
පලකට නැති සුළඟක් සේ දැනෙනා මට මෙදා
හරයක් නැති මිනිසෙකු වූ මෙදා
අඳුර තුළින් ලෝකය බැලූ නිසා
නුඹ මට දුන් වේදනා යළි කිසිදා මට එපා
අපි ගැලපෙන්නෑ කියා මට දැනුනා හිත තියා…….

වල්ගා තරුවක් අහසේ දැක මා
පැතුවා මට සැනසුම දෙන්න කියා…….