වසන්ත වැස්සට තෙමුනාවේ
වසන්ත සුළඟක් හැමුවාවේ
වසන්තයේ මුණ ගැසුනාවේ
වසන්තයේ ඔබ පිපුණාවේ

මනබර ගීත ගුමු දෙන යහන
බඹරු වඩිති අරගෙන හීන
නිවා දමමි රෑ සඳ පාන
මමයි ඔබේ ලොව බඹරාණ

වසන්ත වැස්සට තෙමුනාවේ
වසන්ත සුළඟක් හැමුවාවේ
වසන්තයේ මුණ ගැසුනාවේ
වසන්තයේ ඔබ පිපුණාවේ

හැඟුම් පිරුණු මල්බර පියසේ
හැඬුම් ඇසේවිද හොර රහසේ
සුසුම් කඳුළු පිසදා නොලසේ
පැතුම් හොවමි නිල්වන් දෑසේ

වසන්ත වැස්සට තෙමුනාවේ
වසන්ත සුළඟක් හැමුවාවේ
වසන්තයේ මුණ ගැසුනාවේ
වසන්තයේ ඔබ පිපුණාවේ

හද සැනසෙනවා රෑ තරු යායේ
සිත නලවනවා විසිතුරු ලීලේ
පායන්නකො ආයේ මේ මහ රෑ යාමේ
මගෙ රන් සුදු රන් සඳ පානේ

හද සැනසෙනවා රෑ තරු යායේ
සිත නලවනවා විසිතුරු ලීලේ
පායන්නකො ආයේ මේ මහ රෑ යාමේ
මගෙ රන් සුදු රන් සඳ පානේ

සීතේ තුරුල් වෙමූ
මීදුම පවන් සැලූ
කාලය හෙමින් ඇදෙයි ගෙවිලා
නැහැවෙයි සුපෙම් හැඟුම්
යාවේ සුසුම් පවන්
ඔබෙයි මගෙයි සැමදා
තරු කැට දිලිසෙනවා
ඔබ මට ලං වෙනවා

ආයේ හඬන්නෙ නෑ
සෝ ගී වයන්නෙ නෑ
ලඟින් ඉමී සැමදා
පෙම් ගී ගයන්නෙමී
නොසැලී හිදින්නෙමී
ආදරේ හින්දා
තරු කැට දිලිසෙනවා
ඔබ මට ලං වෙනවා

හද සැනසෙනවා රෑ තරු යායේ
සිත නලවනවා විසිතුරු ලීලේ
පායන්නකො ආයේ මේ මහ රෑ යාමේ
මගෙ රන් සුදු රන් සඳ පානේ

හැමදාම හිතගාව රැදුනහම
ඔබ මව හදුනාවී ඉදුරාම
හැමදාම මම වෙනස් වේවි
වැඩිය වැඩිය ආදරේ දෙමි
ඔබේ හදට මා තුරුල් වෙවී
සුළං වගේ ඉතින් එබෙන්නෙමි

සාගරේ ජලෙන් පිරී එතේ
අහස් කුසේ රහස් බොහෝ ඇතේ
අපේ සිතේ ඔබයි මමයි ඇතේ
සිතුම් අපේ පෙමින් පිරි ඇතේ…

හැමදාම හිතගාව රැදුනහම
ඔබ මව හදුනාවී ඉදුරාම
හැමදාම මම වෙනස් වේවි
වැඩිය වැඩිය ආදරේ දෙමි
ඔබේ හදට මා තුරුල් වෙවී
සුළං වගේ ඉතින් එබෙන්නෙමි

සෝ සුසුම් ඔබෙන් සොරා ගමි
සිතේ ඔබේ සිනා පළඳමි
දිවි පුරා ලඟින් ඔබේ ඉමි
උණුහුමයි සිහිලසයි දෙමි…

හැමදාම හිතගාව රැදුනහම
ඔබ මව හදුනාවී ඉදුරාම
හැමදාම මම වෙනස් වේවි
වැඩිය වැඩිය ආදරේ දෙමි
ඔබේ හදට මා තුරුල් වෙවී
සුළං වගේ ඉතින් එබෙන්නෙමි

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ
මත ඈ හදේ
හසරැල් නගා සුසුමන් මකා
සිටිතැයි සිතා හද සාගරේ

සිටිනා විලාසේ ඈ අඳුරේ
දකිනා විලාසේ මද්දහනේ
කඳුලැල් පිරීලා නෙතුකැන් ගිලී
ඈ ආවේ

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ

ජීවිත කාලය දුක් සමුදා පිරිලා ඉතිරී
ආදර ලෝකය කැබලි කැඩී විසිරී
ඈ අතගත් දින ඈ තනි වූ දින තව මතකයි

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ
මත ඈ හදේ
හසරැල් නගා සුසුමන් මකා
සිටිතැයි සිතා හද සාගරේ
හද සාගරේ

හිරු නැඟෙන්නේ කඳු අතරින්
ඔබේ රැස් අරගෙන
වැසි වැටෙන්නේ වළාකුලින් සීතල අරගෙන
පොළෝ තලේ පුද ලබන්න සුවඳ පඬුරු බැද
පහදා ගන්නට සිත අපේ ඔබේ පිහිට යැද

හිරු සඳු අතරේ බබළන රැස් පැතිරේ
ලබනා ඔබේ කරුණා අප සිත් හී රැඳුනා
හිරු සඳු අතරේ බබළන රැස් පැතිරේ
ලබනා ඔබේ කරුණා අප සිත් හී රැඳුනා

දුක සැප දෙක එක වාගේ තබා ගන්න සිත
දැනුම නුවණ අපේ හදට ලැබෙනවද
අතීතයෙන් අනාගතය වෙත යන ගමනට
ආලෝකය වී ජීවේ අත්වැල වනු මැන

හිරු සඳු අතරේ බබළන රැස් පැතිරේ
ලබනා ඔබේ කරුණා අප සිත් හී රැඳුනා
හිරු සඳු අතරේ බබළන රැස් පැතිරේ
ලබනා ඔබේ කරුණා අප සිත් හී රැඳුනා

තරුමල් වගේ මේ ජිවිතේ ඔබ හා ඉන්නම්
ගිනි රශ්මියේ හිම සීතලේ ඔබ හා ඉන්නම්
සැනසිමේදී වැලපීමේදී ඔබ හා බැඳී
එක සේ ඉන්නම්
පෙර සේ අදත් අද සේ හෙටත් නොසැලී වෙලී
ඔබ හා ඉන්නම්…

ඔබ හිනැහෙන විට මිහිරේ
මා හා කිපුණත් කැමතී
ඔබ නොදක හිටිය දින කීපය දැනුනේ
අවුරුද්දක් වගේ…
සැනසීමේදී වැලපීම්දී ඔබ හා බැඳී
එක සේ ඉන්නම්
පෙර සේ අදත් අද සේ හෙටත් නොසැලී වෙලී
ඔබ හා ඉන්නම්…

දිවි ගමන ඉතා කෙටි දුරයි
එනිසාම දුකද පැණි රසයි
පිට ලොවක යලිත් දෙදෙනා හමුවනතුරු
විඳගමු පෙම සුවඳයි
සැනසීමේදී වැලපීම්දී ඔබ හා බැඳී
එක සේ ඉන්නම්
පෙර සේ අදත් අද සේ හෙටත් නොසැලී වෙලී
ඔබ හා ඉන්නම්…

මනලෝලී මනමාලියේ ඔය දෑසේ කැල්මන් හෙලා
මාගෙ දෑතේ දැවටී ආවේ පවසන්නදෝ ආදරේ…
කවදා හෝ සංසාරයේ එක් වීලා අතිනත් වෙලා
ආවා වගේ ඔබ මේ ආවේ පවසාලා ප්‍රේමාදරේ…..

මුව මදහාසේ ඔබ මට පෑවේ විහිදා පෙම් ආරාධනේ
ඉඟියෙන් වාගේ රහසින් කීවේ සැනසීමයි මේ ජීවිතේ
ඔබ හිනැහේවී පුන්සඳ වාගේ පායාලා මාගේ ලොවේ….

මනලෝලී මනමාලියේ ඔය දෑසේ කැල්මන් හෙලා
ආවා වගේ ඔබ මේ ආවේ පවසාලා ප්‍රේමාදරේ…..

ඈයිදෝ නොහෑගේ ලෙන්ගතු වූයේ ඔබ මා ලංවීලා මෙසේ
ලතැවුල් ජීවේ සංසිදවූවේ දෙනෙතේ දල්වාලා සෙනේ
ඔබ සුව ගේනා සුවඳක් වාගේ පාවේවී මාගේ ලොවේ….

මනලෝලී මනමාලියේ ඔය දෑසේ කැල්මන් හෙලා
මාගෙ දෑතේ දැවටී ආවේ පවසන්නදෝ ආදරේ…
කවදා හෝ සංසාරයේ එක් වීලා අතිනත් වෙලා
ආවා වගේ ඔබ මේ ආවේ පවසාලා ප්‍රේමාදරේ…..