අලුතින් office එකට
පේනා ඇහැට කනට
girl කෙනෙක් වැඩට ආවලු
ඒ සක්කරවට්ටම
බැලුවම හැමතිස්සෙම
ඔහෙත් එක්ක මුකුලු කරනවලු
දෙන්නගෙ මේ ලටපට
ගිහිල්ලා කනින් කනට
office එකම කතා කරනවලු
දැනගෙන මේ විස්තර
කට්ටිය එහා ගෙදර
ගමටම පත්තු කරනවලු

එයා මෙයා අරයා මොනවා කීවත්
ඔයානෙ මගේ රංකඳ හැමදාමත්
office එකට කවුරු කවුරු ආවත්
ඇහැක් ඇරලා බැලුවෙ නෑනේ තාමත්

ණයවෙලා හතර වටේ
යන්නට ලෝකෙ වටේ
අලුත් ඇඳුම් අරගෙන දෙනවලු
ඉඳල හිටලා මං ඇඳුමක්
ඉල්ලුවාම මෙන්න බොලේ
එතකොට සල්ලි නැහැල්ලු
cut එක දාලා වැඩට
රිංගලා hall වලට
box එකේ කැරම් ගහනවලු
මාසේ පඩිය දාට
ගිහිල්ලා hotel වලට
ඒකිට pizza කවනවලු

ඉඳලා හිටලා pizza එකක් කෑවත්
පරණ දෝසි කැටේ රහයිනෙ මට තාමත්
office එකට කවුරු කවුරු ආවත්
ඇහැක් ඇරලා බැලුවේ නෑනේ තාමත්

වෙනදට වැඩිය හොඳට
ඇඳගෙන ජැන්ඩි පහට
scent powder දාගෙන යනකොට
පරක්කු වෙයි එනකොට
මං යනවා මීටිමකට
බොරු කිය කිය රෑ වෙලා එනකොට
ජවුසන් නටලා නටලා
හොරෙන්ම ගෙට රිංගලා
පූසා වගේ නිදාගන්න කොට
සැකයක් හිතුනත් මට
අනේ මගේ මෝඩ කමට
හෙව්වේ නෑනේ කරුමෙට

එයා මෙයා අරයා මොනවා කීවත්
ඔයානෙ මගේ රංකඳ හැමදාමත්
office එකට කවුරු කවුරු ආවත්
ඇහැක් ඇරලා බැලුවෙ නෑනේ තාමත්
අනේ ඇයිද සුදෝ
බෝ පැලේ වාගේ ඉන්න මාව
සැකද සුදෝ

තමුසෙගෙ phone එකේ
තිබිලයි දැක්කෙ බොලේ
කාගෙද මේ photo එක
පිටි මුට්ටයක් වගේ
බලන්න කැතට කැතේ
මේකද අලුත් catch එක
නොදන්නකමට අපේ
අම්මලා දාපු ලෙඩේ
තිත්තයි මේ marriage එක
ගින්දර තියන් හිතේ
ඉඳලා මොටද අනේ
ගන්නවා මං divorce එක

divorce වෙන්න
මොන පිස්සුද නෝනේ
ඔයා නැතුව මට ඉන්නට බෑනේ
දැන් ඔය බොරු චාටු කතා
කියලා වැඩක් නෑ
අදින් පස්සෙ මේ කසාදෙ මට ඕනෙම නෑ
අනේ ඇයිද සුදෝ
බෝ පැලේ වාගේ ඉන්න මාව
සැකද සුදෝ

ලොරෙන්සෝ ද අල්මේදා
කොලොම්තොටට යහපත් නාවිකයා
හන්දි කඩේ ලෑලි පුටින්
ඩිනර් පාටි අතින් කටින්
රට වටේට ණය වෙනවා
සුදිය මිසක් වෙන වැඩ නෑ
පියානෝ ටැමරින් බැන්ජෝ මැන්ඩලින්
ලයිට් කරන්ට් කම්බි ඇදලා
කණු හතරෙම ලයිට් දාලා

ඉංගිරිසිය නැතිකරන්න
ඉංග්ලිෂ්ලම ගොඩ ගැහිලා
ටේල්කෝට් ටොප් හැට් එක
සුදු රෙදිවල රෝල්කරලා
නෝනා මට අත වනනවා
මම ඉඳගෙන බෑ බෑ කියනවා
එයා ඉඳන් කම් කම් කියනවා
අපි ඔක්කොම නෝ නෝ කියනවා

නෝනා මට අත වනනවා
අපි ඔක්කොම එයාට බෑ කියනවා

බ්රැන්ඩි බීලා නොන්ඩි ගහලා
අම්බානක ගුස්පි දාල
ඉම්පෝටඩ් මොරිනාකා
ඇපල් තැපැල් ගොඩගැහිලා
නෝනා මට අත වනනවා
මම ඉඳගෙන බෑ බෑ කියනවා
එයා ඉඳන් කම් කම් කියනවා
අපි ඔක්කොම නෝ නෝ කියනවා

නෝනා මට අත වනනවා
අපි ඔක්කොම එයාට බෑ කියනවා

ජීවිතේ කැප කරලා දිව රෑ නිදි නොබලා
ගමටම වැඩ කරලා සැමටම සෙත සදලා
දුන්නත් ඉතින් එදා මානාප නැතුව මෙදා
පැරදිලා අපේ මැතිතුමා

ජීවිතේ කැප කරලා දිව රෑ නිදි නොබලා
ගමටම වැඩ කරලා සැමටම සෙත සදලා
දුන්නත් ඉතින් එදා මානාප නැතුව මෙදා
පැරදිලා අපේ මැතිතුමා

ගියපාර උඩින් දින්නේ මං මේ පාර ඇපත් නෑනේ බං
මොකද්ද කරපු වරද මං……

සිංඤෝරේ සිංඤෝරේ….
සිංඤෝරේ සිංඤෝරේ….
ගිය දේ ගියාවේ පැරදුනේ මං නැතිවුණේ මං
උඹලට නම් මොකද ඉතින්
සිංඤෝරේ සිංඤෝරේ….
සිංඤෝරේ සිංඤෝරේ….
ලබන සැරේ අපි දෙමුකෝ වැඩේ…….

පාරට තාර දැම්මේ මං ගමටම ලයිට් දුන්නේ මං
ගේ දොර හදලා දුන්නේ මං ඔච්චර කරලත් ගමට
සැලකුවේ නෑනේ මුං මට මේවා හොඳ පාඩම් අපිට……

සිංඤෝරේ සිංඤෝරේ….

රාණි කමලා ඇරියා පිටරට බැංකු ණයත් දුන්නා ගොවියට
ඒ කරලත් කතිරේ නෑ මට නැති අය ඇති අය කෙරුවා
කාගෙත් දුක සැප බැලුවා මුං කළගුණ අමතක කෙරුවා……

සිංඤෝරේ සිංඤෝරේ….

යන්ඩ එන්ඩ වාහනයක් නෑ මගේ වටේ හිටපු බොඩි ගඩිලත් නෑ
අනේ දැන් කව්රුත් ගණන් ගන්නේ නෑ
පත්තර වල මගේ විසතර නෑ ඉස්සර වගේ ටීවි එකෙත් නෑ
අනේ දැන් නම් මට ඉඳලා වැඩක් නෑ….

සිංඤෝරේ සිංඤෝරේ….
සිංඤෝරේ සිංඤෝරේ….
ගිය දේ ගියාවේ
පැජරෝ නෑ දැන් පිටරට සවාරි දැන් නෑ
එදා විඳපු සැප උඹලට තෙරෙන්නේ නෑ…..
සිංඤෝරේ සිංඤෝරේ….
සිංඤෝරේ සිංඤෝරේ….
අනේ මට මේ මොකද වුණේ

සිංඤෝරේ සිංඤෝරේ….
සිංඤෝරේ සිංඤෝරේ….
ගිය දේ ගියාවේ
සම්තින්ග් නෑ දැන් කොමිස් එන්නේ නෑ
ගහපු ගැහිලි අහුවුණොතින් රටේත් ඉන්න නෑ
සිංඤෝරේ සිංඤෝරේ….
සිංඤෝරේ සිංඤෝරේ….
සිංඤෝරේ සිංඤෝරේ….
සිංඤෝරේ සිංඤෝරේ….
ලබන සැරේ අපි දෙනවා වැඩේ…….