මල් හසරැල්ලෙන් ඔබ මුව සරසාලා
දෙව්ලිය පරදන රූ මානේ මෙදා
නිල් දෙනයන යා වී ආශා මවා
රන්වන් සේලේ හද යයි පැටලී මා
කිංකිණි නගාවී – සියුමැලි පා තබාවී
පතිනිය වෙන්නට මා අතිනත වෙලා
අංජන සිනාසී හිරිමල් හිත සලාවී
දෑඟිලි පටලා ඔබ මාගේ කියා..
මාල වලලු තෝඩු නුඹට හැඩයි මගේ කුමාරි
රන් කර බැඳ රැගෙන යන්න අවසර මා පතාවී
නෑ පර පුර මගුල් ගී ගයා නටා ප්‍රීති වී
ඈත රටින් කැන්දන් ආ ඔබයි මගේ මනාලි
ළා හිරු සේ පායා කිරණින් දෝවා
මා දිවි ආලෝකේ ඔබමයි සදා
රන්සලු අන්දා අද බැන්දේ සිනා
මතකය මේ ප්‍රේම සංකා මකා
මල් මල් ඕවිල්ලේ..පා කර මා ඇසිල්ලේ
පෙම්බස් තෙපලා හද මන් මත් කලා
කිංකිණි හඬින් මේ..මා හෘදේ තිගැස්සේ
නිල්වන් ගුවනේ යමුදෝ පාවීලා.
Leave a Reply