දෙව්දුව පලා ගියාදෝ පුදසුන ගරා වැටේදෝ
හද රන් දේවාලේ එද රන් දේවාලේ
මල් පෙති තැලී වැටේදෝ චන්දන සුගන්දෙ යාදෝ
හද රන් දේවාලේ හද රන් දේවාලේ

කඳුළැලි වලින් දොවොලයි පුදනේ ගෙනත් තියෙන්නේ
පිරිසිදු සිතින් සිතාලයි බැති ගීතිකා ගායනාකරන්නේ
හෝ හෝ හෝ ගීතෙලෙන් පහන් තියාලා
ඔබේ රුව සිතෙහි අඹාලා
හද රන් දේවාලේ හද රන් දේවාලේ

දිගු නෙත් කැලුම් විදාලා මා දෙස බලා සිනාසී
දුක වේදනා නිවාලා කරතැයි සිතා අහෝසි
හෝ හෝ හෝ නොයිදුල් සිසිල් අමාමී
දෝතට පෙරා ගෙනාමී
ඔබ නෑ දේවාලේ ඔබ නෑ දේවාලේ

දෙව්දුව පලා ගියාදෝ පුදසුන ගරා වැටේදෝ
හද රන් දේවාලේ එද රන් දේවාලේ
මල් පෙති තැලී වැටේදෝ චන්දන සුගන්දෙ යාදෝ
හද රන් දේවාලේ හද රන් දේවාලේ

බැලුවෙ නෑනේ මාගේ දිහා
ඔබ හින්දා ප්‍රියේ දුක් වින්දේ මෙමා
බැලුවා සෙව්වා හඳුනා ගත්තා
අද වාගේ එදත් මා පෙම් කෙරුවා

බැලුවෙ නෑනේ මාගේ දිහා
ඔබ හින්දා ප්‍රියේ දුක් වින්දේ මෙමා
බැලුවා සෙව්වා හඳුනා ගත්තා
අද වාගේ එදත් මා පෙම් කෙරුවා

ගැහැනුන් ලෝකේ ස්ථර නෑ
චපලයි කුහකයි බොළඳ තමා
ප්‍රේම ලොවේ සොඳුරී මාගේ
කොමළයි වන දෙව්ලිය වාගේ
බැලුවේ නෑනේ …….

පායන්නේ පුන් සඳ අහසේ
බැස යන්නේ දිය ඇළි වනයේ
කොමළ නිසයි සොඳුරී මාගේ
ඔබ රූ රැජිණයි පෙම් ලෝකේ
බැලුවේ නෑනේ …..

පන මෙන් මම ඔබ රැකගන්නෙමි
මල් නෙලලා ගෙල සරසන්නෙමි
ආලෙන් ජීවිත සැනසේවා
ඔබගේ පෙම මට හිමි වේවා
බැලුවේ නෑනේ …..

ආරාධනාවක් එවමි ලියා
ආරාධනාවක් එවමි ලියා
මගේ ගීත සංගීතේ එන්නැයි කියා
ආරාධනාවක් එවමි ලියා

ගුවනින් ගයා ගීත සවනේ පිරු
කලාකාමියන් රසික මනමත් කෙරූ
ගුවනින් ගයා ගීත සවනේ පිරු
කලාකාමියන් රසික මනමත් කෙරූ
පෙම් පා රැගුම් පා මෙදා අනන්ද වූ
දැකගන්න ඔබ එන්න සිනමා තරු

ආරාධනාවක් එවමි ලියා
ආරාධනාවක් එවමි ලියා
මගේ ගීත සංගීතේ එන්නැයි කියා
ආරාධනාවක් එවමි ලියා

මතකෙන් මකාලන්න ගිය කාරණා
මින් පස්සේ මට දෙන්නෙපා වේදනා
මතකෙන් මකාලන්න ගිය කාරණා
මින් පස්සේ මට දෙන්නෙපා වේදනා
එම දාට පැමිණෙන්න මගේ වාසනා
ඇවිදින් පතා යන්න සුභ ප්‍රාර්ථනා

ආරාධනාවක් එවමි ලියා
ආරාධනාවක් එවමි ලියා
මගේ ගීත සංගීතේ එන්නැයි කියා
ආරාධනාවක් එවමි ලියා

අපේ ජීවිත මේ මහ සාගරේ
ගෙවිලා යනවා අයියේ
ඔරු පාරුවලයි රෑ එළි වෙන්නේ
කරුමේ නේ මල්ලියේ….

රෑට කෑවාම පිටවීලා මුහුදේ ගොසින්
ආයෙ එන්නේ මහ දාවලයේ වෙහෙසී දුකින්…
ලෝකෙ මුහුදයි අපේ මාළු බෑමයි සැපේ
අපි ලබා උපන් හැටී….

අපේ ජීවිත මේ මහ සාගරේ
ගෙවිලා යනවා අයියේ
ඔරු පාරුවලයි රෑ එළි වෙන්නේ
කරුමේ නේ මල්ලියේ….

ඈත ළඟ පාත දැළ දාල බිලිබානවා
ඒව විකුණා මුදල් ගන්න අපි ගේනවා…
කන්නෙ මාළුයි බතුයි
ඉන්නෙ වෙරළේ පැලෙයි
අපි ලබා උපන් හැටී…..

ඔරු පාරුවලයි රෑ එළි වෙන්නේ
කරුමේ නේ මල්ලියේ
අපේ ජීවිත මේ මහ සාගරේ
ගෙවිලා යනවා අයියේ….

සඳ නැත බැබලෙන්න – නොපෙනෙයි තරු ගොන්න
සුනිල් සුලෝචනියේ – ඔබනෙත් හැර හිනැහෙන්න
උපුල් නුවන් එළියේ – අරුමැසි සැනකෙළියේ
මම සැරිසරමි සදා – ප්‍රිය සනහස් සිලි සිලියේ
සඳ නැත බැබලෙන්න…..

චංචල තිමිරි ලොවේ – පහන් එළිය ඔබ වේ
චංචල තිමිරි ලොවේ – පහන් එළිය ඔබ වේ
දෙනයන කැළුම් වැදී – මගේ මුළු විජිතය හෙළිවේ

සඳ නැත බැබලෙන්න – නොපෙනෙයි තරු ගොන්න
සුනිල් සුලෝචනියේ – ඔබනෙත් හැර හිනැහෙන්න

ඔබ මගේ සුදෙහිනි – ඔබ මගේ සුබාශිනි
ඔබ මගේ සුදෙහිනි – ඔබ මගේ සුබාශිනි
ඔබ මගේ සජිවනි – ඔව් ඔබ මගේ සුබාශිනි

සඳ නැත බැබලෙන්න – නොපෙනෙයි තරු ගොන්න
සුනිල් සුලෝචනියේ – ඔබනෙත් හැර හිනැහෙන්න
උපුල් නුවන් එළියේ – අරුමැසි සැනකෙළියේ
මම සැරිසරමි සදා – ප්‍රිය සනහස් සිලි සිලියේ
සඳ නැත බැබලෙන්න…..