නපුරු වෙන්න එපා කියලා නපුරු නොවී කීවා
දරුණු වෙන්න එපා කියලා දරුණු නොවී කීවා
මා … ආ … ආදර මගේ අම්මා
මා … ආ … ආදර අම්මා
ඇගේ ආදර ලේ කිරි මම රස කර කර බිව්වා
මගේ ලෝකය, මගේ විශ්වය ගෙදර බුදුන් අම්මා
මා … ආ … ආදර මගේ අම්මා
මා … ආ … ආදර අම්මා

කඳුළු බිංදු හංඟා මට සුර සැප දුන්නා
රස මසවුළු මට දීලා ඇය නොකාම උන්නා
දරු සෙනෙහස හින්දා අපමණ දුක් වින්දා
දුක් කරදර ඇය විඳගෙන මට සුවයම දුන්නා
මා … ආ … ආදර මගේ අම්මා

යන එන තැන විමසා මා පසු පස උන්නා
හිත රිදුණම හිස අත ගා දුක් ගින්දර නිව්වා
නිවැරදි මඟ පෙන්නා ගුරුහරුකම් දුන්නා
ඔබට තියෙන ණය ගෙවන්න සසරම මදි අම්මා
මා … ආ … ආදර මගේ අම්මා

නපුරු වෙන්න එපා කියලා නපුරු නොවී කීවා
දරුණු වෙන්න එපා කියලා දරුණු නොවී කීවා
මා … ආ … ආදර මගේ අම්මා
මා … ආ … ආදර අම්මා
ඇගේ ආදර ලේ කිරි මම රස කර කර බිව්වා
මගේ ලෝකය, මගේ විශ්වය ගෙදර බුදුන් අම්මා
මා … ආ … ආදර මගේ අම්මා
මා … ආ … ආදර අම්මා

සඳසේ දවසක ඔබ බැස යාවී
කළුවර අහසට දුක තියලා
හමුවුනු තැන්වල මල් සුපිපේවී
හමුවන වෙන අය ගැන හිතලා

වළාකුලකි ඔබ මලානිකව ගිය
හිස් අහසේ සරනා
දරාගනිමි දුක කාට කියන්නද
ඔබ අන්සතු වූදා
ඔබ අන්සතු වූදා

සඳසේ දවසක ඔබ බැස යාවී
කළුවර අහසට දුක තියලා
හමුවුනු තැන්වල මල් සුපිපේවී
හමුවන වෙන අය ගැන හිතලා

සලාන මුවරද ගලාන යන සඳ
මද සුළඟේ දැවටී
බලා හිඳිනු මිස කුමක් කරන්නද
ඔබ අන්සතු මලකී
ඔබ අන්සතු මලකී

සඳසේ දවසක ඔබ බැස යාවී
කළුවර අහසට දුක තියලා
හමුවුනු තැන්වල මල් සුපිපේවී
හමුවන වෙන අය ගැන හිතලා

සමාවෙලා… හදාගන්න මට මගේ හිත
එකම වරක් ඔබේ දෙපා
වඳින්න දෙන්න… වඳින්න දෙන්න…
කිලුටක් නෑ මගේ හදවත සත්තයි ඔන්න
එපා ඉතින් මගේ දෑස මඟ හැර යන්න
සමාවෙලා… හදාගන්න මට මගේ හිත

ඔබේ සිතට පිටු පාලා මං ගිය ඈත
කඳුළු වලින් නෙත තෙමුනා මට නොදැනීම
ආදරයක් නොලැබුන දා සොයා ඔබේ සිත
මං ආවත් එරෙහි උනා කසාවත මට

සමාවෙලා… හදාගන්න මට මගේ හිත
එකම වරක් ඔබේ දෙපා
වඳින්න දෙන්න… වඳින්න දෙන්න…
කිලුටක් නෑ මගේ හදවත සත්තයි ඔන්න
එපා ඉතින් මගේ දෑස මඟ හැර යන්න
සමාවෙලා… හදාගන්න මට මගේ හිත

කසාවතින් ඔබ යන විට මඟ සන්සුන්ව
ආදරයට හැඟුමන් නෑ හදවත කොනක
ගෙවා ගන්න මා කළ පව් සමාවී මට
එකම වරක් ඔබේ දෙපා වඳින්න දෙන්න

සමාවෙලා… හදාගන්න මට මගේ හිත
එකම වරක් ඔබේ දෙපා
වඳින්න දෙන්න… වඳින්න දෙන්න…
කිලුටක් නෑ මගේ හදවත සත්තයි ඔන්න
එපා ඉතින් මගේ දෑස මඟ හැර යන්න
සමාවෙලා… හදාගන්න මට මගේ හිත

පුතුනේ පුතුනේ නූපන් පුතුනේ
මගේ ලොවට නූපන් පුතුනේ
පමා නොවී එනු පුතුනේ
මවක් වෙන්න මට වරම් අරන්
හනික වරෙන් පුතුනේ
හනික වරෙන් පුතුනේ

පාළුව තනිකම රජ කරනා ගෙයි
පාළු මකන්නයි මගේ පුතු එන්නේ
හනික වරෙන් පුතුනේ
හනික වරෙන් පුතුනේ
මවක් වෙන්න මට වරම් අරන්
හනික වරෙන් පුතුනේ
හනික වරෙන් පුතුනේ

පුතුනේ පුතුනේ නූපන් පුතුනේ
මගේ ලොවට නූපන් පුතුනේ
පමා නොවී එනු පුතුනේ
මවක් වෙන්න මට වරම් අරන්
හනික වරෙන් පුතුනේ
හනික වරෙන් පුතුනේ

අපේ ලොවේ අපි රජ කරවන්නයි
මගේ රජ කුමරුට එන්න කියන්නේ
හනික වරෙන් පුතුනේ
හනික වරෙන් පුතුනේ
පියෙක් වෙන්න ඔහු පුරන පෙරුම්
මසිත දවයි නිතිනේ
මසිත දවයි නිතිනේ
අරිරරිරෝ…
අරිරරිරෝ

ප්‍රේමය පුද දී අවසානයි
ඔහු සතු වී කාලය බොහොමයි
නොලැබෙන මා නොපතන්න
තහනම් සෙවනෙන් යන්න

පරාජයේ දුක මට පුරුදුයි
සැනසුම නුඹ වාගේම ඈතයි
තහනම් සෙවනේ ඉන්න
තව මොහොතක් ඉඩ දෙන්න

එක වදනක් පවසන්නම්
එය හදවත හඩවයි නම්
එක වදනක් පවසන්නම්
එය හදවත හඩවයි නම්
මා වෙනුවෙන් නොහඩන්න
ජීවිතයට ඉඩ දෙන්න
ඔය කී ලෙස මතු ඉන්න
දිවුරුන්නම් බෑ දෙන්න

ප්‍රේමය පුද දී අවසානයි
ඔහු සතු වී කාලය බොහොමයි
නොලැබෙන මා නොපතන්න
තහනම් සෙවනෙන් යන්න

ආදරයක් තියෙනවනම්
දෙනෙතින් පිළිතුරු දෙන්නම්
ආදරයක් තියෙනවනම්
දෙනෙතින් පිළිතුරු දෙන්නම්
මට නොපෙනී පිටවෙන්න
නොහදුන කෙනෙකුන් වෙන්න
ගත ගෙනයන්නම් දුරක
හිත නම් බෑ ගෙනියන්න

ප්‍රේමය පුද දී අවසානයි
ඔහු සතු වී කාලය බොහොමයි
නොලැබෙන මා නොපතන්න
තහනම් සෙවනෙන් යන්න

පෙර සංසාරේ පැතුමක්දෝ ඔබ
මේ සංසාරේ හමුවූයේ
කොහි සිට මේ ලෙස ආවාදෝ ඔබ
තනිකම මා සිත දවන වෙලේ
තනිකම මා සිත දවන වෙලේ

සිතුවිල්ලක්වී සැරිසරනු එපා
හදවත ගැස්සෙයි උදේ හවා
සෙවනැල්ලක් වී ඔබ පෙනෙනු එපා
නෙත නිදි නොලබයි රැයම පුරා
නෙත නිදි නොලබයි රැයම පුරා

පෙර සංසාරේ පැතුමක්දෝ ඔබ
මේ සංසාරේ හමුවූයේ
කොහි සිට මේ ලෙස ආවාදෝ ඔබ
තනිකම මා සිත දවන වෙලේ
තනිකම මා සිත දවන වෙලේ

දේදුන්නක් සේ නෙත නෙත පිනවනවා
වැහිබර අහසට මුවා වෙලා
පවනැල්ලක්වී ඔබ දැවටෙනවා
සිත්මල් පෙති මත පිණි ඉසලා
සිත්මල් පෙති මත පිණි ඉසලා

පෙම් පුරවපු හිත අරගෙන
ඈතට යන්න ඈතට යන්න
රිදී සඳේ මගෙ යහනට
එපා වැටෙන්න

ආලයෙන් මා සිත ළඟ ගිමන් හරින්න
ආලයෙන් මා සිත ළඟ ගිමන් හරින්න
වන මලකට හිත කුමටද හීන දකින්න

පෙම් පුරවපු හිත අරගෙන
ඈතට යන්න ඈතට යන්න
රිදී සඳේ මගෙ යහනට
එපා වැටෙන්න

රෑ අහසේ තරුවක් වී එපා පිපෙන්න
රෑ අහසේ තරුවක් වී එපා පිපෙන්න
ඒ එළියේ කාන්තියට බැහැ නිදියන්න