විරහවත් එක රහක්
හිතූ තැන් මහ දුරක්
අඬ සඳත් හරි හැඩක්
බැලුවොතින් දී ඉඩක්
බැලුවොතින් දී ඉඩක්

ලෝකයේ නෙතු වසා
මුහුවෙන්න බැරි නිසා
සොයා බිය ගැන සිතා
ඔබේ බැඳුම් අහවර කලා

ලෝකෙටම ගතුන් කියා
දුරින් ඉමු යැයි ලියා
අතරමග පෙම දමා
ඔබ මගෙන් සැඟවී ගියා

විරහවත් එක රහක්
හිතූ තැන් මහ දුරක්
අඬ සඳත් හරි හැඩක්
බැලුවොතින් දී ඉඩක්
බැලුවොතින් දී ඉඩක්

නයන යුග සනහා
සසරේ හුරුවට පතා ආ රුව
මිණිමෙවුල සැලුනා
යුගන්දරයක හැඟුම් යාවි

පිං කාරී සංසාරේ රුව නෑරියේ
හිත් නෑර සෙවනැල්ල වී ආදරේ
රුවනාරිනී දේහ අනුරාගයේ
ශෘංගාර මධුලෝල ලමැදේ නුරා

රත් දෙතොල් ඉහිරී
ළයේ ගුලි වී හැඟුම් තෙරපී
ලෙවන් නෙතු සැඟවී
බිදී දුනුදිය මලවි මත්වී

පිං කාරී සංසාරේ රුව නෑරියේ
හිත් නෑර සෙවනැල්ල වී ආදරේ
රුවනාරිනී දේහ අනුරාගයේ
ශෘංගාර මධුලෝල ලමැදේ නුරා

තරු සොඳුරුයි සඳ වට පිරි ගිම්හානේ
හද අදුරුයි දුක උතුරයි සන්තානේ
ප්‍රාර්ථනා මල් පීදෙයි වස්සානේ
අපි ආයේ හමු නොවනා හන්තානේ

තටු සවි නැති පැටවුන් ඇත කැදැල්ලේ
දමා කොහොම ගියෙ කියපන් කිරිල්ලේ
ගෝර වන සපුන් බෝමයි නිදැල්ලේ
මං විතරයි දෙදෙනා සිටි සදැල්ලේ..

තුඩෙන් තුඩ කැවූ සතුටින් ඉපිල්ලී
මතක රාමු සී සීකඩ ඉගිල්ලී
නුඹට බැදුනු සිත තාමත් නොසෙල්ලී
කොතැන කියන් ගිනියම් ගිනි කිරිල්ලී..

තරු සොඳුරුයි සඳ වට පිරි ගිම්හානේ
හද අදුරුයි දුක උතුරයි සන්තානේ
ප්‍රාර්ථනා මල් පීදෙයි වස්සානේ
අපි ආයේ හමු නොවනා හන්තානේ
අපි ආයේ හමු නොවනා හන්තානේ
අපි ආයේ හමු නොවනා හන්තානේ…

සුළඟ ඔබද මගෙ සුසුම අරන් යන්න එනවද
සුවඳ ඔබද මතකය ගෙන යන්න යනවද…
තරුව ඔබද..අහසේ තනි වෙන්න ඕ‍නැද
එයා ඔබද යලි හමුවෙන්න එනවද…

සුළඟ ඔබද මගෙ සුසුම අරන් යන්න එනවද
සුවඳ ඔබද මතකය ගෙන යන්න යනවද…
තරුව ඔබද..අහසේ තනි වෙන්න ඕ‍නැද
එයා ඔබද යලි හමුවෙන්න එනවද…

ලැජ්ජාවට දෝ…අහක බලන්නේ
හුරතලයට දෝ මුහුණ වහන්නේ
තරහ වෙලාදෝ…හිනා නොවෙන්නේ
යලි කවදාදෝ ආපසු එන්නේ..

සැනසීමටදෝ…ඈත බලන්නේ
ආදරයට දෝ මට රිදවන්නේ…
කවුරු නිසා‍දෝ…ඔබ ලතැවෙන්නේ
යලි ‍කවදා දෝ අපි හමුවන්නේ

තනිය මටද මගෙ තනිය මකාලන්න එනවද
සිහින මටද සිහිනෙන් දැක ගන්න එනවද
කදුළු මටද දෑසේ වියැලෙන්න දෙනවද
දුක මටද මගේ දුක විදගන්න දෙනවද…

වීනාවී උර තලයේ රැඳෙන්න
සත් සර රැව් නගන්න වීනාවී…
කොවුලාන…රන් ස්වරයෙන් ගයන්න
මා හද පිරි මදින්න කොවුලාන…

තරු මල් ඉස අහසට නිල් සළු නිල් යහනට
නිදන්න යාවි තරින්දු
කඩුපුල් මල් යායට පෙම් බැඳ ගෙන සුවඳට
නොනිදයි මගේ බඹරින්දු

වීනාවී උර තලයේ රැඳෙන්න
සත් සර රැව් නගන්න වීනාවී…
කොවුලාන…රන් ස්වරයෙන් ගයන්න
මා හද පිරි මදින්න කොවුලාන…

නියගින් තතින් තතට පැන හදවත සොයන්න
අවසර දෙයිද එ ලන්දු
මා හද මට නැති විට කවුරුද කියන්න මට
දුක සැප අසන නිරින්දු

වීනාවී උර තලයේ රැඳෙන්න
සත් සර රැව් නගන්න වීනාවී…
කොවුලාන…රන් ස්වරයෙන් ගයන්න
මා හද පිරි මදින්න කොවුලාන…

සුදෝ සුදු දෙතොල මධූ
සුදෝ සුදු දෙනෙත මධූ
මධූ මධූ මධූ මධුර මධූ
සූදෝ සුදු සුදු සූදෝ සුදු

පවන් සලන්න වරල මොණර පිල් කළඹින්
ලවන් දොවන්න සිසිල් සුරත් තොල් සඟලින්
ගිමන් නිවන්න සිහිල් සුසුම් මඳ පවනින්
සවන් සදන්න මියුරු තෙපුුල් රන් ස්වරයෙන්

කැලූම් මුදන්න නීල නුවන් මිණි පහනින්
තැවුල් දවන්න ළමැද හංස තුඩු පහසින්
උදාව එන්න ඉන්ද්‍ර දිගින් හිරු විලසින්
සදා රැඳෙන්න හද දෙවොලේ පුද ලබමින්

සුදෝ සුදු දෙතොල මධූ
සුදෝ සුදු දෙනෙත මධූ
මධූ මධූ මධූ මධුර මධූ
සූදෝ සුදු සුදු සූදෝ සුදු